- عىلىم جانە جوعارى ءبىلىم مينيسترلىگى سىرتقى ىستەر مينيسترلىگىمەن بىرلەسىپ، عىلىمي-يننوۆاتسيالىق قىزمەتكە ينۆەستيتسيالار تارتۋ جونىندەگى ۆەدومستۆوارالىق ءىس-قيمىل جوسپارىنىڭ جوباسىن ازىرلەدى. جوسپار جوباسىندا عىلىم مەن يننوۆاتسيالارعا ينۆەستيتسيا كولەمىن ارتتىرۋعا باعىتتالعان ءبىرقاتار شارا قاراستىرىلعان. وعان جەكە سەكتور مەن كاسىپكەرلەردى عىلىمي-يننوۆاتسيالىق جوبالاردى قارجىلاندىرۋعا تارتۋ، عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا سىرتقى قارجىلاندىرۋ كولەمىن ۇلعايتۋ، جەكە قوسالقى قارجىلاندىرۋ تەتىكتەرىن دامىتۋ، ۆەنچۋرلىك قورلار قۇرۋ، سونداي-اق بىرلەسكەن زەرتحانالار مەن RD ورتالىقتارىن اشۋ كىرەدى،-دەپ اتاپ ءوتتى ۆەدومستۆودان اگەنتتىكتىڭ رەسمي ساۋالىنا وراي.
قۇجاتتا ءبىرقاتار نىسانالى ينديكاتور بەلگىلەنگەن. اتاپ ايتقاندا، عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا تارتىلاتىن سىرتقى قارجىلاندىرۋ كولەمى، جەكە قوسا قارجىلاندىرۋ ۇلەسى، ۆەنچۋرلىك قورلار مەن بىرلەسكەن زەرتحانالار جانە RD ورتالىقتارىنىڭ سانى ەسكەرىلمەك.
- جوسپار ءىس-شارالارى شەتەلدىك ينۆەستورلاردى تارتۋعا، عىلىمي-يننوۆاتسيالىق قىزمەتتى ۆەنچۋرلىك قارجىلاندىرۋ تەتىكتەرىن دامىتۋعا، يننوۆاتسيالىق ينفراقۇرىلىمدى قالىپتاستىرۋعا، سونداي-اق حالىقارالىق عىلىمي-تەحنيكالىق ىنتىماقتاستىق پەن عىلىمي ازىرلەمەلەردى كوممەرتسيالاندىرۋدى دامىتۋعا باعىتتالعان،-دەيدى مينيسترلىكتەن.
ايتا كەتەيىك، كۋرچاتوۆ قالاسىنا عىلىمي قالاشىق مارتەبەسىن 2027-جىلدىڭ ءۇشىنشى توقسانىندا بەرۋ جوسپارلانعان.