ءىش قاتۋدان ارىلۋعا كومەكتەسەتىن 4 جاتتىعۋ

قوزعالىس ادامعا كوپتەگەن سەبەپپەن قاجەت. الايدا زاماناۋي الەمدە كوپشىلىك از قوزعالىستى ءومىر سالتىن ساقتايدى.

ادەتتە الدىمەن كەڭسەدە وتىرامىز، سودان سوڭ ۇيگە دەيىن كولىكتە وتىرىپ بارامىز جانە ۇيگە كەلگەن سوڭ ديۆاندا وتىرىپ دەمالامىز. ەگەر ادام وعان قوسا دۇرىس تاماقتانباسا، ونىڭ سوزىلمالى ءىش قاتۋعا شالدىعۋ قاۋپى جوعارى. ءبىراق ىشەك جۇمىسىن كەيدە دارىلەرسىز رەتكە كەلتىرۋگە بولادى. ول ءۇشىن ومىرىڭىزگە بەلسەندىلىك قوسۋىڭىز كەرەك. ەندوكرينولوگ زۋحرا پاۆلوۆا ءوزىنىڭ تەلەگرام- كانالىندا ءىش قاتۋدان ارىلۋعا كومەكتەسەتىن بىرنەشە جاتتىعۋ تۇرىلەرىن اتادى.

جۇگىرۋ

جۇگىرۋ كەزىندە اعزا قاندى اسقورىتۋ جۇيەسىنەن بۇلشىقەتتەرگە جىبەرەدى، سونىڭ سەبەبىنەن توق ىشەككە قانمەن قامتاماسىز ەتۋ جەتىسپەيدى. سونداي- اق قارقىندى جۇگىرۋ ىشەكتەگى بارلىق نارسەنى سىرتقا شىعارىپ جىبەرە الادى. ەگەر ەندى جۇگىرىپ باستاپ جاتقان بولساڭىز، وزىڭىزگە كوپ كۇش سالماڭىز. قىسقا شاقىرىمداردان باستاعان ءجون. ۋاقىت وتە ونى ۇزارتۋعا بولادى.

جەڭىل كارديو

جاتتىعۋدىڭ بۇل ءتۇرى سپورتزالعا ابونەمەنت الا الماي جۇرگەن ادامدارعا دا كەلەدى. كارديونى قاراپايىم جاياۋ ءجۇرۋ جانە ۆەلوسيپەد تەبۋ الماستىرا الادى. كارديوجۇكتەمە كەزىندە جۇرەك جيىرىلۋىنىڭ جيىلىگى ارتادى. سونىڭ سەبەبىنەن كارديوجاتتىعۋلار اسقازان-ىشەك جولىن ىنتالاندىرادى. زۋحرا پاۆلوۆا جەڭىل اەروبتى بەلسەندىلىكپەن اپتاسىنا 150 مينۋتتان كەم ەمەس اينالىسۋ كەرەگىن ايتتى.

شىنتاق تىرەپ ءتورتتاعانداپ تۇرۋ جانە بۇرالۋ

اسقازان- ىشەك جولى موتوريكاسى قالىپتى بولۋى ءۇشىن ءىش بۇلشىقەتتەرى وتە ماڭىزدى. بۇلشىقەتتەر قانشالىقتى مىقتى ولسا، ولاردىڭ جيىرىلۋى ءىش قۋىسىنداعى قىسىمدى سونشالىقتى ارتتىرادى جانە سونشالىقتى اسقورىتۋ جاقسى جۇمىس ىستەيدى. اسقازانعا تۇسەتىن قىسىمدى ارتتىرۋ ءۇشىن بۇگىلۋ جانە بۇرالۋ جاتتىعۋلارى جاقسى كەلەدى. ال شىنتاق تىرەپ ءتورتتاعانداپ تۇرۋ ءىشاستارداعى قىسىمدى ارتتىرۋعا كومەكتەسەدى.

يوگا

يوگا تىنىشتاندىرۋشى جانە تىنىس الۋ جاتتىعۋلارىنىڭ ارقاسىندا پاراسيمپاتيكالىق جۇيكە جۇيەسىن بەلسەندى قىلادى. اعزا بوساڭسىعاندىقتان، اسقورىتۋ دۇرىس جۇمىس ىستەي باستايدى. يوگا اسىرەسە تىتىركەنگەن ىشەك سيندرومى بار ادامدارداعى ءىش قاتۋدى جەڭىلدەتۋگە پايدالى. اسقازان-ىشەك جولى جۇمىسى ءجيى كۇيزەلىسپەن، مازاسىزدىقپەن جانە دەپرەسسيامەن بايلانىستى.

Massaget.kz