ءى ءى م كولىك تەرەزەلەرىن قاراڭعىلاۋ بويىنشا تالاپتاردى ءتۇسىندىردى

استانا. KAZINFORM - ءى ءى م اينەكتەردى قاراڭعىلاۋ بويىنشا تالاپتاردى ءتۇسىندىردى، - دەپ حابارلايدى Polisia.kz.

- جولدا ءجۇرۋ قاعيدالارىنا سايكەس كولىك قۇرالدارى تەحنيكالىق رەگلامەنتتەردىڭ تالاپتارىنا ساي بولۋى كەرەك. «دوڭعالاقتى كولىك قۇرالدارىنىڭ قاۋىپسىزدىگى تۋرالى» كەدەن وداعىنىڭ تەحنيكالىق رەگلامەنتىندە الدىڭعى كورۋ اۋماعىنا قويىلاتىن تالاپتار بەلگىلەنگەن. مەن بارلىق جۇرگىزۋشىلەرگە قاتىسى بار نەگىزگى جايتتەردى عانا ايتايىن.

ءبىرىنشى. جۇرگىزۋشى ورنىنان كورۋدى شەكتەيتىن قوسىمشا قۇرالداردىڭ بولۋىنا جول بەرىلمەيدى. ولارعا بارلىق پلەنكالار، پەردەلەر، جاپسىرمالار جاتادى. بۇل تالاپ تەك الدىڭعى اينەككە جانە الدىڭعى ءبۇيىر اينەكتەرگە قاتىستى.

ەكىنشى. اينەكتەردى قاراڭعىلاۋعا جانە بوياۋعا تەك ولاردى دايىنداعان كەزدە عانا رۇقسات ەتىلەدى. سەبەبى شىنى جاسايتىن كاسىپورىن ونىڭ جارىق وتكىزگىشتىگىن تەكسەرەدى، ول كەم دەگەندە p بولۋى كەرەك جانە ولار اينەككە سەرتيفيكات بەرەدى. وسىلايشا الدىڭعى جانە الدىڭعى ءبۇيىر اينەكتەردى قاراڭعىلاۋ تەك وندىرىستە دايىندالادى. اۆتوكولىك جينالعاننان كەيىن پلەنكالار جابىستىرۋعا بولمايدى. بۇل قاعيدالار جول قاۋىپسىزدىگىن جانە جۇرگىزۋشىلەر ءۇشىن كورۋ اۋماعىن جاقسارتۋدى قامتاماسىز ەتۋگە باعىتتالعان، - دەدى ءى ى م اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا.