ءۇي الماق بولعان وسكەمەندىك الاياققا 7 ميلليون تەڭگە بەرگەن
وسكەمەن قالاسىنىڭ تۇرعىنى مەملەكەتتىك باعدارلاما بويىنشا پاتەر الىپ بەرۋگە ۋادە ەتكەن الاياققا الدانىپ قالدى، دەپ حابارلايدى Kazinform.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 24 جاستاعى ايەل ادام وسكەمەن قالالىق پ ب ەرتىس پوليتسيا بولىمشەسىنە كەلىپ، الاياققا الدانىپ قالعانىن جەتكىزدى.
«ونىڭ ايتۋىنشا، وسى جىلدىڭ ءساۋىر ايىندا تانىسى مەملەكەتتىك باعدارلاما بويىنشا پاتەر الۋعا كومەكتەسە الاتىنىن ايتقان. بۇعان سەنگەن جابىرلەنۋشى 7 ميلليون تەڭگەسىن بەرە سالعان. الايدا سەگىز ايدىڭ ىشىندە ول پاتەردى دە، اقشاسىن دا الا المادى»، - دەلىنگەن اقپاراتتا.
جەدەل-ىزدەستىرۋ شارالارىن جۇرگىزگەن پوليتسيا قىزمەتكەرلەرى 22 جاستاعى كۇدىكتىنى ۇستادى. ەر ادام ءوز كىناسىن تولىقتاي مويىنداعان.
قازىرگى ۋاقىتتا اتالعان فاكتى بويىنشا ق ر ق ك- ءنىڭ 190-بابى 3-بولىگىنە (الاياقتىق) سايكەس سوتقا دەيىنگى تەرگەۋ امالدارى باستالدى.