ءوزىن قۇمار ويىنداردان شەكتەۋگە ءوتىنىش بىلدىرگەن قازاقستاندىقتار قاتارى كوبەيىپ كەلەدى

استانا. KAZINFORM - ونلاين فورماتتاعى پيلوتتىق جوبا قولدانىسقا ەنگىزىلگەلى بەرى، ياعني 8 ايعا جۋىق ۋاقىت ىشىندە 168 مىڭنان استام ادام ءوزىن قۇمار ويىنداردان شەكتەۋگە ءوتىنىش بىلدىرگەن.

«بيىلعى 18-ناۋرىزدا eGov mobile پلاتفورماسىندا باستالعان ءوزىن قۇمار ويىنداردان، ءباس تىگۋدەن شەكتەۋ بويىنشا ونلاين قىزمەتتى ەنگىزۋ جونىندەگى مينيسترلىكتىڭ پيلوتتىق جوباسى وڭ ناتيجە كورسەتىپ، قۇمار ويىندارعا قىزىعۋشىلىقتىڭ تومەندەۋىنە ىقپال ەتىپ كەلەدى»، - دەپ حابارلايدى تۋريزم جانە سپورت مينيسترلىگى.

eGov mobile قولدانباسى ارقىلى - 168250 ادام ءوتىنىش تاستاسا، جازباشا تۇردە ءوتىنىش بەرۋشىلەر سانى - 2311 ادام. ويىن بيزنەسىن جانە لوتەرەيانى رەتتەۋ كوميتەتىنىڭ مالىمەتىنە سايكەس، قۇمار ويىنداردان ءوزىن شەكتەگەندەر اراسىندا ەڭ كوپ ۇلەس 31-35 جاس ارالىعىنداعى ازاماتتارعا تيەسىلى:

eGov mobile ارقىلى - 40 212 ادام (جالپى ساننىڭ #,90)

جازباشا - 836 ادام (جالپى ساننىڭ 6,17).

پيلوتتىق جوبانى پايدالانۋعا ەنگىزگەننەن كەيىن ءبىر ايدىڭ ىشىندە، ياعني 18-ساۋىرگە دەيىن eGov mobile ارقىلى 35342 ادامنان ءوتىنىش بەرىلسە، 15 -قاراشاعا دەيىن بەرىلگەن وتىنىشتەردىڭ سانى - 168250.

سونىمەن قاتار ازاماتتاردىڭ قاعاز جۇزىندە ءوزىن-ءوزى شەكتەۋگە ءوتىنىش بەرۋدەن موبيلدى قوسىمشا ارقىلى ونلاين ءوتىنىش بەرۋگە بىرتىندەپ كوشۋى بايقالىپ وتىر.

اۆتور

گۇلنۇر عازيز قىزى