«اقىلعا قونىمدى، راتسيونالدى، ءتىپتى دانا ديپلوماتيا ءداۋىرى ورناۋدا. قوس تاراپ ءۇشىن دە قولايلى بەيبىت كەلىسسوزدەردىڭ نەگىزدەرىن تابۋ ءۇشىن ءوزارا ايىپتاۋلاردى توقتاتۋ كەرەك جانە ىسكەرلىك كەلىسسوزدەر جۇرگىزۋ قاجەت»، - دەدى قاسىم-جومارت توقايەۆ.
بۇعان دەيىن گەرمانياعا رەسمي ساپارمەن بارعان قازاقستان پرەزيدەنتى فەدەرالدىق كانتسلەر ولاف شولتسپەن بەتپە-بەت فورماتىندا كەلىسسوز جۇرگىزگەنىن جازعان ەدىك.
فەدەرالدىق كانتسلەر ولاف شولتسپەن كەلىسسوزدەردەن كەيىن تىلشىلەرگە بەرگەن باسپا ءسوز ءماسليحاتىندا پرەزيدەنت قازاقستاننىڭ رەسەيمەن ەكىجاقتى تاراپتا جانە ءتيىستى ينتەگراتسيالىق بىرلەستىكتەر شەڭبەرىندە تۇراقتى دوستىق قارىم-قاتىناستا ەكەنىن ايتتى.
مەملەكەت باسشىسى قاسىم-جومارت توقايەۆ ۋكرايناداعى جاعدايعا قاتىستى قازاقستاننىڭ ۇستانىمى جونىندە ايتىپ بەردى.
سونداي-اق، قازاقستان مەن گەرمانيانىڭ ءىرى جانە ورتا بيزنەستەرى اراسىندا ماڭىزدى كوممەرتسيالىق كەلىسىمدەر بەكىتىلدى.