ءوڭىر تۇرعىندارى كوبىنەسە قانداي پروبلەمالارعا شاعىمدانىپ ءجۇر

استانا. KAZINFORM - وڭىرلەردەگى تۇرعىندار كوتەرىپ جۇرگەن سۇراقتار نەگىزىنەن اۋىل شارۋاشىلىعى سالاسى، وڭىرلەردى دامىتۋ، تۇرعىن ءۇي ماسەلەسىنە قاتىستى. بۇل تۋرالى ءماجىلىستىڭ جالپى وتىرىسىندا پرەمەر- ءمينيستردىڭ ورىنباسارى تامارا دۇيسەنوۆا ءمالىم ەتتى.

«بىلتىر قازان ايىندا دەپۋتاتتاردىڭ وڭىرلەرگە جۇمىس ساپارلارى اياسىندا تۇرعىندار كوتەرگەن ماسەلەلەردى ەگجەي-تەگجەيلى قاراعان بولاتىنبىز. جالپى العاندا 1700-دەن استام سۇراقتى جۇيەلەپ، ولار بويىنشا ناقتى قانداي شارالار قابىلدانعانى تۋرالى ەسەپ بەرىلدى. بۇل فورمات ءوزىنىڭ تيىمدىلىگىن كورسەتتى. بۇگىن ءداستۇرلى تۇردە سىزدەرگە قاڭتار ايىندا كەلىپ تۇسكەن تاعى 1000-عا جۋىق سۇراق بويىنشا بايانداما جاسايمىز»، - دەدى ت. دۇيسەنوۆا.

وسى ورايدا ول بۇل ماسەلەلەردىڭ ورىندالۋ بارىسى ۇكىمەتتىڭ ەرەكشە باقىلاۋىندا تۇرعانىن ايتتى.

«جۇيەلى ماسەلەلەردىڭ باسىم بولىگى ءوز شەشىمىن تاپتى. جەكەلەگەن سۇراقتارعا مەنىڭ ارىپتەستەرىم سىزدەرگە جاۋاپ بەرۋگە دايىن. سۇراقتاردىڭ مازمۇنىنا كەلەتىن بولساق، ولاردىڭ نەگىزگى بولىگى اۋىل شارۋاشىلىعى سالاسى، وڭىرلەردى دامىتۋ، تۇرعىن ءۇي ماسەلەلەرى مەن قاۋىپسىزدىك باعىتتارىن قامتىعان. بۇدان بولەك، 30 پايىزى ينفراقۇرىلىمدى دامىتۋ، ونىڭ ىشىندە قۇرىلىس، جول، گاز بەن سۋ، الەۋمەتتىك نىسانداردى سالۋ، ولاردى جوندەۋگە قاتىستى بولسا، ال قالعانى الەۋمەتتىك پروبلەمالارعا ارنالعان»، - دەدى ۆيتسە- پرەمەر.

اۆتور

رۋسلان عابباسوۆ