ءتورت وبلىستاعى وزەندەردە سۋ دەڭگەيىنىڭ جوعارىلاۋى بايقالادى - ۆيتسە-مينيستر

استانا. قازاقپارات - 4 وبلىستاعى وزەندەردە سۋ دەڭگەيىنىڭ جوعارىلاۋى بايقالادى. بۇل تۋرالى ۇكىمەت وتىرىسىندا توتەنشە جاعدايلار ۆيتسە-ءمينيسترى باۋىرجان سىزدىقوۆ ايتتى.

«سۋ قويمالارى مەن وزەندەردىڭ تولىمدىلىعىنا مونيتورينگ جالعاسۋدا. قازىرگى ۋاقىتتا قوستاناي، باتىس قازاقستان، اقمولا جانە سولتۇستىك قازاقستان وبلىستارىنداعى وزەندەردە سۋ دەڭگەيىنىڭ جوعارىلاۋى بايقالادى. شىعىس قازاقستان وبلىسىنىڭ تاۋلى جەرلەرىندە دە ۇلكەن قار كولەمى جاتىر. بۇل وڭىرلەرگە قاجەت بولعان جاعدايدا مينيسترلىكتىڭ كۇشتەرى مەن قۇرالدارى قوسىمشا تارتىلاتىن بولادى»، - دەدى باۋىرجان سىزدىقوۆ.

ونىڭ اتاپ وتۋىنشە، تاۋلىك بويى قالىپتاسقان جاعداي تۋرالى ازاماتتاردى حاباردار ەتۋ جانە اقپاراتتاندىرۋ جۇزەگە اسىرىلادى. زارداپ شەككەندەرگە پسيحولوگيالىق كومەك كورسەتۋ ءۇشىن سەنىم تەلەفوندارى جۇمىس ىستەيدى.

«ءوز كەزەگىندە، اكىمدىكتەر الگوريتم بويىنشا ءىس- شارالاردى ورىنداۋ قاجەت. سۋ تاسقىنى مەن ونىڭ سالدارىن جويۋ ءمينيستردىڭ ۇيلەستىرۋىمەن جالعاسۋدا. كۇشتەر مەن قۇرالدار اۆاريالىق-قۇتقارۋ جۇمىستارىن ۇزدىكسىز جۇرگىزۋدە، جەدەل دەن قويۋعا جانە مىندەتتەردى ورىنداۋعا دايىن»، - دەدى ۆيتسە- مينيستر.