تۆيتتەر جەلىسىندە بوكس تۋرالى جازاتىن Adams Boxing Show اككاۋنتى امەريكالىق تەرەنس كروۋفوردقا (41-0, 31 ك و) ورتا سالماقتا IBF جانە WBO چەمپيونى جانىبەك الىمحان ۇلىمەن (15-0, 10 ك و) ايقاسۋدى ۇسىندى.
كەشە كروۋفورد جارتىلاي ورتا سالماقتا WBO تيتۋلىنان باس تارتتى. سونىمەن بىرگە، تەرەنس ءبىرىنشى جارتىلاي ورتا ديۆيزيوندا العاشقى جەكپە-جەگىن وتكىزىپ، وزبەكستاندىق يسرايل مادريموۆتى (10-1-1, 7 ك و) جەڭىپ، ونىڭ WBA تيتۋلىن الىپ قويدى. وسىلايشا، ول ءتورتىنشى سالماقتا چەمپيون اتاندى.
"كروۋفورد ءالىمحان ۇلىنا قارسى. ول جاڭا عانا 154 فۋنتتا وزبەكستاندىق يسرايل مادريموۆتى جەڭدى. ەندى ول كورشىلەس قازاقستاننان شىققان 160 فۋنتتا WBO جانە IBF چەمپيونىن جەڭە الا ما؟ "، - دەلىنگەن جاريالىمدا.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.