بۇل كەلىسىم تۇركيانىڭ انتاليا قالاسىندا وتكەن COP31 كليمات كونفەرەنتسياسى اياسىندا جاسالدى. قۇجاتقا ءتورت ەلدىڭ ەنەرگەتيكا ۆەدومستۆولارىنىڭ وكىلدەرى قول قويدى.
جوبا جاڭارتىلاتىن جانە باسقا دا تازا ەنەرگيا كوزدەرىنەن وندىرىلگەن ەلەكتر قۋاتىن ازەربايجان - گرۋزيا - تۇركيا - بولگاريا باعىتىمەن تاسىمالداپ، ودان ءارى ەۋروپا نارىعىنا جەتكىزۋگە مۇمكىندىك بەرەدى.
اتالعان ەلدەر ەلەكتر ەنەرگياسىن شەكاراارالىق جەلىلەر ارقىلى جەتكىزۋدى دامىتىپ، ونى ساتۋ تەتىكتەرىن جەتىلدىرۋگە جانە ۇزدىكسىز جەتكىزۋدى قامتاماسىز ەتۋ ءۇشىن تەحنيكالىق ءارى نورماتيۆتىك تالاپتاردى ۇيلەستىرۋگە نيەتتى.
بۇدان بولەك ەنەرگەتيكا سالاسىندا تالشىقتى- وپتيكالىق ينفراقۇرىلىم قۇرۋ جانە دەرەكتەردى بەرۋ جۇيەلەرىن دامىتۋ باعىتىندا دا ىنتىماقتاستىق ورناتۋ جوسپارلانعان.
تۇركيانىڭ ەنەرگەتيكا ءمينيسترى الپارسلان بايراكتاردىڭ ايتۋىنشا، جاڭا ارىپتەستىك 2024 -جىلى باستالعان ەنەرگەتيكالىق ىنتىماقتاستىقتىڭ جالعاسى سانالادى. ال 2025 -جىلعى ساۋىردە باكۋدە قول قويىلعان مەموراندۋم وسى بايلانىستى بەكىتە ءتۇستى.
كەلىسىمنىڭ جۇزەگە اسۋى تازا ەلەكتر ەنەرگياسىنىڭ ساۋداسىن كەڭەيتىپ، ەنەرگيا كوزدەرىن ءارتاراپتاندىرۋعا جانە ءوڭىردىڭ ەنەرگەتيكالىق قاۋىپسىزدىگىن نىعايتۋعا ىقپال ەتەدى.