ءتورت ۇشاق زاقىمدالدى: Air Astana اۋەكومپانياسى بۇگىن رەيستەر كەشىگەتىنىن مالىمدەدى
12:28, 09 - تامىز 2024
استانا. قازاقپارات - Air Astana اۋەكومپانياسى 9 -تامىز كۇنى رەيستەردىڭ كەشىگۋى مۇمكىن ەكەنىن حابارلادى.
رەيستەردىڭ كەشىگۋ سەبەبى 8 -تامىز كۇنى استانادا بولعان داۋىل مەن بۇرشاقتىڭ سالدارىنان بولۋى مۇمكىن.
قازىرگى ۋاقىتتا اۋەكومپانيا بۇرشاقتىڭ سالدارىنان ءتورت ۇشاقتىڭ زاقىمدالعانىن انىقتادى. اۋەكومپانيا ينجەنەرلەرى قاجەتتى تەكسەرۋ جانە جوندەۋ جۇمىستارىن جۇرگىزىپ جاتىر.
جوندەۋ جۇمىستارى بىرنەشە كۇننەن كەيىن بىتەدى.
«جولاۋشىلارىمىزدان اۋەجايعا جول تارتپاس بۇرىن رەيس ستاتۋسىن اۋەكومپانيا سايتىندا تەكسەرۋلەرىن سۇرايمىز»، - دەلىنگەن اۋەكومپانيا حابارلاماسىندا.
اۆتور
ەلميرا ورالبايەۆا