ءسىزدى باقىتقا بولەيتىن بەس امال

استانا. قازاقپارات - بىرەۋلەر باقىت دەگەنىمىز شىنايى قامقورلىق، مەيرىمدىلىكپەن شاشىلعان اق شاشۋ جانە شىن كۇلە بىلۋ دەسە، ەندى بىرەۋلەر باقىت دەگەنىمىز تىپ-تىنىش ورىندا حوش يىستەن ءلاززات الىپ، الاڭسىز تۇرمىس كەشىرۋ مەن وراسان زور ناتيجەگە جەتۋ دەيدى.

تاعى بىرەۋلەر باقىت دەگەنىمىز شۋاقتى كۇندە، ايعاي-شۋدان الىس تازا ولكەدە ءبىر-بىرىنە سەرىك بولعان ساتتەر دەسەدى...

باقىت تۋرالى 1000 ادام 1000 ءتۇرلى تۇسىنەدى. الايدا كوپشىلىك ادامنىڭ باقىت دەپ تانىعان دۇنيەلەرى تومەندەگىدەي ەكەن.

ءبىرىنشى، گەن باقىتتىڭ تەك ءبىر ءبولىمىن عانا بەلگىلەيتىنىن ايقىن ءبىلۋ

پسيحولوگيا ماماندارى «باقىتقا ۇمتىلۋدىڭ 80 پايىزىن گەن بەلگىلەيدى» دەگەن ەدى. وسى كوزقاراس جونىنەن الىپ قاراساق، ءبىر ادامنىڭ باقىت كورسەتكىشىنىڭ جوعارى-تومەن بولۋى دۇنيەگە كەلگەن كەزدە كوپ ءبولىمى ماڭدايعا جازىلعان بولار. ەگەر گەندە قۇدىرەتتى قۋانىش كورسەتكىشى بولسا، وندا بارلىعىمىز باقىتقا كەنەلگەن بولار ەدىك.

ادام گەنى ونىڭ باقىتتى بولۋىن بەلگىلەيدى دەگەن كوزقاراسقا قانشاما ادام سەنىپ، قانشاما ادامداردىڭ سەنىمى سۋعا كەتتى. الايدا ومىردە قانشاما تىلسىم بار ەكەنىن بارلىعىمىز دا تۇسىنە بەرمەيمىز. گەنىمىز دە كەلەشەكتەگى بارلىق جاعدايدى ويلاستىرىپ شەشە المايدى. سوندىقتان، بولاشاققا باقىتقا تالپىنۋ مەن باستان وتكىزگەن ىستەرىمىز عانا ىقپال جاسايتىندىعىن عانا ءتۇسىنۋىمىز كەرەك.

ەكىنشى، ۇنەمى جايراڭداپ ءجۇرۋ

انگلييا زەرتتەۋشىلەرىنىڭ بايقاۋىنشا، ءبىر رەت كۇلۋ 2000 تال شوكولادتىڭ ميدى تىتىركەندىرۋمەن بىردەي، ءارى 400 مىڭ تەڭگە اقشا تۋدىرعان تىتىركەندىرۋمەن تەڭ ەكەن. وسى زەرتتەۋ ناتيجەسى بىزگە مىنانى تۇسىندىرەدى. كۇلگەن ساتتە، كۇلكى كوڭىل-كۇيدىڭ گورمون ساپاسىنىڭ وزگەرۋىن ساقتاپ، ەنكەفاليندى جوعارىلاتادى. بۇلاردىڭ بارلىعى كوڭىل-كۇي قۋانىشىمىزدى اسىرىپ، ءتىپتى دە باقىتقا بولەيدى.

كوپتەگەن ەرەسەكتەر قايتالانباس بالالىقتارىنا تەبىرەنىپ، ەشتەڭەدەن حابارسىز باقىتتى دا، اسىر سالعان ءسابي شاقتارىن ەسكە الادى. ادەتتە ادامدار كۇلە الماۋىن قىزمەت قىسىمى مەن تۇرمىس قاربالاستىعىنا ارتا سالادى. ءبىز بۇعان مويىنسال بولمايمىز.

ەرجەتكەن سوڭ كوپتەگەن جاۋاپكەرشىلىككە ءدوپ كەلەتىندىگىن مويىندايمىز. ءبىر كۇندەگى كۇلكى رەتىمىز جاسىمىزدىڭ ۇلعايۋىنا ىلەسىپ بارعان سايىن ازايادى. بالالاردىڭ ءار كۇنىگى كۇلكى سانى 400 دىڭ اينالاسىندا بولسا، ەرەسەكتەردىڭ ءبىر كۇندەگى كۇلكى سانى 20 عا جەتپەيتىندىگى انىقتالدى.

ءۇشىنشى، كۇندەلىك جازۋ دا - باقىتتىڭ بەلگىسى

الەۋمەتتىك زەرتتەۋ ناتيجەسى بويىنشا، باقىتتى سەزىم كورسەتكىشى جوعارىلار باسقالارمەن سالىستىرعاندا باقىت قۇشاعىنا شومىلىپ تۇرعاندا ەمەس، قايتا بۇلار ءوزىن باقىتتى ساناعانى ءۇشىن وسىلاي ەكەن. جازدىڭ شىلىڭگىر ىستىعىنداعى العاش تاتقان بالمۇزداعىڭ بالداي تاتيدى.

بالمۇزداقتى جەگەن سايىن ءدام-تاتۋسىز بولادى. مىنە، بۇدان سەزىمتالدىق دارەجەمىزدىڭ تومەندەگەنىن بىلەمىز. ومىردەگى باقىتتىڭ دا وسىنداي ەكەنىن ۇعىنامىز. سوندىقتان، باقىتتى سەزىنۋدى جوعارىلاتۋدىڭ ءونىمدى ءادىسى باقىتتى ساتتەردى ەستەلىككە الىپ، كۇندەلىكتى تاباندىلىقپەن جازۋ.

ءار كۇنى باقىت دەپ بىلگەن 5 ءىستى تاباندىلىقپەن ەستەلىككە الۋ كەرەك. بولىمسىز عانا ءىستى، كوز ايىم ءساتتى، لەزدىك قيمىلدى، جاقسى ءسوزدى، قۋانىشتى دەپ بىلسەڭ، سول قاس-قاعىم ءساتتى جازىپ قويۋ كەرەك. باقىت كۇندەلىگىڭدى تاباندىلىقپەن جازىپ، بەلگىلى مەرزىمدە قايىرىلىپ قاراساڭ، ءبىر اۋقىم ۋاقىتتا، بۇرىنعى باقىتتى شاقتارىڭ، ءالى دە وزىڭمەن بىرگە ەكەنىن سەزىنەسىڭ.

ءتورتىنشى، تۇڭعيىق ويعا باتۋ - باقىت

تۇندە ۇيىقتار الدىندا، نە تاڭەرتەڭ تۇرا قالعاندا، نە تۇستە دەمالعاندا، وزىڭە ءبىر تۇراقتى ۋاقىت ورنالاستىر. ۋاقىتىن ءوزىڭ بەلگىلە، باستىسى تىنىشتىق قاجەت. 10 مينۋت، نە ودان كوبىرەك ۋاقىت بولسا دا بولادى. تىپ-تىنىش وتىرىپ نە جانتايىپ جاتىپ، وزىڭە راحات سەزىنەتىن بەينەنى تاڭداپ، ودان سوڭ وزىڭە ءتان الەمگە قيالمەن ەنىپ كەت. بىرنەشە مينۋت ەشتەڭە ويلاما، ەشتەڭە ىستەمە، ءوزىڭ باقىتتى دەپ بىلگەن ءساتتى ەلەستەت. سول ساتتە ەڭ ماڭىزدىسى تىنىس الۋدى مەڭگەرىپ، ءۇن-ءتۇنسىز سونداي ءبىر الاڭسىز، سونداي ءبىر سالماقتى بول.

بەسىنشى، جان دوستارمەن ءتوس سوعىستىرىپ قۇشاقتاسۋ

ءار كۇنى ەڭ جاقىنىڭمەن قۇشاقتاسىپ تۇر. زەرتتەۋگە قارعاندا، ادام مەن ادام اراسىنداعى اعزالىق جاقىندىق، ەكى جاقتىڭ دا باقىتقا بولعان تۇسىنىگىن ارتتىرادى. داستۇرگە، قالىپتاسقان مادەنيەتكە تاباندى بولا بەرۋدىڭ كەيدە ماڭىزى قالمايدى، مادەنيەتتىڭ اسىلىن الىپ، جاسىعىن تاستاۋ كەرەك.

بىلايشا ايتقاندا، ءبىزدىڭ داعدىلى ادەتىمىز ءوز ويىمىزدى سوزبەن جانە كوزىمىزگە ساقتايمىز. اعزامىز ارقىلى قارسى جاققا سۇيىسپەنشىلىگىمىزدى جەتكىزۋدى داعدىعا اينالدىرماعانبىز. دەسە دە ماڭىزدى ساتتەردى قولدان شىعارۋعا بولمايدى. بۇل ەكى جاققا دا ءتيىمدى بارىس، ءتوس سوعىستىرىپ قۇشاقتاسۋ، ەكى جاقتىڭ قيماستىق سەزىمىن ارتتىرۋ ارقىلى، ءارى تىلمەن جەتكىزە المايتىن اعزالىق سەزىمدى تۇبىرىمەن شەشۋگە ابدەن بولادى.

Massaget.kz