ءسۇت پەن قۇس ەتى يمپورتىنا تاۋەلدىلىك تومەندەيدى - ق ر ا ش م

استانا. KAZINFORM - جىل باسىنان بەرى ەلىمىزدە 16 تاۋارلى- ءسۇت فەرماسى پايدالانۋعا بەرىلدى. اۋىل شارۋاشىلىعى ءمينيسترى ايداربەك ساپاروۆ ءسۇت پەن قۇس ەتى بويىنشا يمپورتقا تاۋەلدىلىكتى تومەندەتۋ جۇمىستارى تۋرالى ايتىپ بەردى.

«بۇل ماقساتتا اكىمدىكتەر ءۇشىن ەت باعىتىنداعى قۇس فابريكالارىن جانە تاۋارلىق ءسۇت فەرمالارىن قۇرۋ مەن كەڭەيتۋ بويىنشا ينديكاتيۆتەر جەتكىزىلدى. ماسەلەن، بيىل ءسۇتتى مال شارۋاشىلىعىندا يمپورتتى الماستىرۋ مىندەتىنە سايكەس، قۋاتى 373 مىڭ توننا ءسۇتتى قۇرايتىن 65 تاۋارلىق ءسۇت فەرماسىن ىسكە قوسۋ جوسپارلانعان. بۇل ماقساتتارعا رەسپۋبليكالىق بيۋدجەتتەن 100 ميلليارد تەڭگە قارجى باعىتتالدى»، - دەدى مينيستر بۇگىنگى ۇكىمەت وتىرىسىندا.

ءبىرىنشى جارتىجىلدىقتا قۋاتى 67,2 مىڭ توننا ءسۇت بولاتىن 16 جوبا پايدالانۋعا بەرىلدى. وسىلايشا، جىلدىق جوسپار $,6- عا ورىندالعان.

اتالعان جوبالاردى ىسكە اسىرۋدىڭ اجىراماس بولىگى - جوعارى ءونىمدى اسىل تۇقىمدى مال ساتىپ الۋ. تاۋارلىق ءسۇت فەرمالارىن سالۋ اياسىندا بيىل 30 مىڭ باس ءىرى قارا مالدىڭ انالىق باسىن يمپورتتاۋ جوسپارلانعان. بۇگىنگى تاڭدا سەگىز ايماق 7,4 مىڭ باس اكەلدى نەمەسە جوسپارلانعان كولەمنىڭ $,6- ى ورىندالدى.

«ەت باعىتىنداعى قۇس فابريكالارىن قۇرۋ مەن كەڭەيتۋ بويىنشا بيىل 72 مىڭ تونناعا جۋىق قۇس ەتىن شىعاراتىن 10 جوبا جوسپارلانعان، ونىڭ ىشىندە الماتى جانە قىزىلوردا وبلىستارىندا ەكى جوبا ىسكە قوسىلدى نەمەسە بۇل جوسپاردىڭ - ى»، - دەدى اۋىل شارۋاشىلىعى ءمينيسترى.

اۆتور

ايجان سەرىكجان قىزى