بەيجىڭدەگى اۋرۋلاردى باقىلاۋ جانە الدىن الۋ ورتالىعىنىڭ وكىلدەرىنىڭ ايتۋىنشا، كوروناۆيرۋستىڭ ەكى جاعدايىن تالداپ، ولار ۇلى بريتانيادا تابىلعان شتامعا جاتادى دەگەن شەشىمگە كەلدى.
COVID-19 ينفەكتسياسىنىڭ ەكى جاعدايى بەيجىڭنىڭ ەڭ ءىرى حالىقارالىق اۋەجايى ورنالاسقان داسين اۋدانىندا انىقتالدى. بيلىك وتكەن جىلدىڭ 10- جەلتوقسانىنان كەيىن بەيجىڭگە شەتەلدەن نەمەسە قىتايدىڭ باسقا ايماقتارىنان كەلگەن بارلىق ادامداردى تەكسەرەدى. بەيجىڭ اكىمشىلىگى، سونداي-اق، داسين اۋدانىنىڭ تۇرعىندارىنا COVID-19 جاڭا جاعدايلارىنىڭ انىقتالۋىنا بايلانىستى قالادان شىعۋعا تىيىم سالدى.
بەيجىڭدە ەپيدەميالىق جاعدايدىڭ ناشارلاۋىنا بايلانىستى بالاباقشالاردى 21- قاڭتاردان باستاپ جابۋ جانە بارلىق وقۋشىلاردى 23- قاڭتاردان باستاپ ونلاين وقىتۋ كوشىرۋ تۋرالى شەشىم قابىلداندى.