سونىڭ ءبىرى قىتايدىڭ اسكەري- مەديتسينالىق اكادەمياسى جاساعان جاڭا ءدارى. The Lancet جۋرنالىنا جاريالانعان زەرتتەۋ قورىتىندىسى بويىنشا بۇل ءدارى ەكىنشى كلينيكالىق سىناق كەزىندە ءوزىنىڭ قاۋىپسىز ەكەنىن جانە ك و ۆ ي د-19-عا تويتارىس بەرە الاتىنىن كورسەتكەن. بۇعان قوسا ادام اعزاسىندا انتيدەنەلەردىڭ پايدا بولۋىنا سەپتىگىن تيگىزەدى ەكەن. ەندى سىناق جۇمىستارىنىڭ ءۇشىنشى كەزەڭىن شەتەلدە وتكىزۋ بويىنشا كەلىسسوزدەر جۇرگىزىپ جاتىر.
حوۋ ليحۋا، اسكەري- مەديتسينالىق عىلىمدار اكادەمياسىنىڭ عىلىمي قىزمەتكەرى:
- كلينيكالىق سىناق كەزىندە ءبىز سالىستىرۋ ءادىسىن قولداندىق. وعان 500 دەن استام ادام قاتىستى. تاجىريبە كەزىندە ولار ەكى توپقا ءبولىندى. ءبىرىنشى توپقا ۆاكتسينا سالىنسا، ەكىنشى توپ پلاتسەبو قابىلدادى. وسىلايشا ءبىز جاڭا ءدارىنىڭ يممۋنوگەندىگى مەن قاۋىپسىزدىگىن دالەلدەمەك بولدىق. الايدا ەگدە جاستاعى كىسىلەردىڭ يممۋنوگەندىگى جاستارعا قاراعاندا الدەقايدا ءالسىز ەكەنى انىقتالدى. ەندى ءبىز وسى باعىتتاعى جۇمىستارىمىزدى كەلەسى كەزەڭدە جالعاستىرماقپىز.
الپاۋىت ەل امەريكادا دا ءدارى ءوندىرۋشى كومپانيالار ۆاكتسينا جاساۋعا بىلەك سىبانا كىرىسكەن. ولار كلينيكالىق سىناقتاردى اۋقىمدى وتكىزۋگە ۋادە بەردى. ياعني ەندى سىناق جۇمىستارىنا ەرىكتىلەردى مىڭداپ تارتپاق. ايتا كەتەيىك، ا ق ش- تا كوروناۆيرۋسقا قارسى 2 ۆاكتسينانى سوڭعى كلينيكالىق سىناقتان وتكىزۋ باستالادى. ال اق ءۇي باسشىسىنىڭ ايتۋىنشا، ولاردان بولەك تاعى 4 ۆاكتسينا سىناقتىڭ سوڭعى كەزەڭىنە جاقىنداپ قالىپى. جالپى بۇگىندە جەر جۇزىندە 150 دەن استام ۆاكتسينا دايىندالىپ جاتىر.
www.24.kz