ەلوردادا COVID-19-بەن سىرقاتتانۋ دەڭگەيى %9,9 ارتتى
بۇل تۋرالى ەلوردا اكىمدىگىنىڭ باسپا ءسوز ورتالىعىندا وتكەن ونلاين بريفينگىدە ايتىلدى، دەپ حابارلايدى قازاقپارات ءتىلشىسى.
بۇگىن ەلوردا اكىمدىگىندە ەلورداداعى ەپيدەميولوگيالىق جاعداي جانە مەكتەپتەردەگى كارانتين شەكتەۋىنە قاتىستى بريفينگ ءوتتى.
«سوڭعى اپتادا اۋىرعاندار سانىنىڭ وسۋىنە بايلانىستى نۇر-سۇلتان قالاسىنداعى COVID-19 ينفەكتسياسى تۇراقسىز دەپ باعالانادى. تىركەلگەندەر سانى كۇنىنە 70 تەن 143 ادامعا دەيىن ارتىپ وتىر. سوڭعى اپتادا سىرقاتتانۋ دەڭگەيى الدىڭعى اپتادان باستاپ %9,9 جوعارى. 10 مىڭ تۇرعىنعا شاققانداعى قارقىندى كورسەتكىش Y,2»، - دەيدى نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا.
ونىڭ ايتۋىنشا «10- ناۋرىزدان باستاپ ەلوردا «قىزىل ايماققا» كىردى. «كوروناۆيرۋس ينفەكتسياسى كوبەيۋىنىڭ نەگىزگى سەبەبى - قالا تۇرعىندارىنىڭ كارانتين شارالارىن ساقتاماۋى، كوپ جينالاتىن قوعامدىق ورىندارعا بارۋى، ماسكا تاعۋدى ەسكەرمەۋ، اۋىرعان ادامدارمەن جاقىن بايلانىستا بولعانداردىڭ رەجيمدى ساقتاماۋى»، - دەيدى ول.