ءۇندىستاندا ەرەۋىلگە شىققان 100 قىزمەتكەر ۇستالدى
استانا. KAZINFORM - ءۇندىستان پوليتسياسى Samsung electronics» كومپانياسى زاۋىتىنىڭ ەرەۋىلگە شىققان 104 قىزمەتكەرىن ۇستادى.
جەرگىلىكتى پوليتسيانىڭ حابارلاۋىنشا، ۇستالعاندار ءتيىستى رۇقساتسىز نارازىلىق شاراسىن وتكىزۋدى جوسپارلاعان.
ۇستالعاندار تاميلناد شتاتىنداعى چەنناي قالاسى ماڭىنداعى Samsung تۇرمىستىق تەحنيكا زاۋىتىندا ەرەۋىلگە شىققان. جۇمىسشىلار جەتى كۇن بويىنا جۇمىسقا بويكوت جاريالاپ، Samsung كومپانياسىنىڭ ءۇندىستانداعى جىلدىق تابىسىنىڭ ۇشتەن ءبىرى ياعني 12 ميلليارد دوللار بولاتىن ءوندىرىستى توقتاتتى. وتكەن اپتادان بەرى Samsung قىزمەتكەرلەرى جالاقىنى كوتەرۋ، ەڭبەك جاعدايىن جاقسارتۋ جانە ەڭبەك ۇجىمى قولدايتىن كاسىپوداقتى مويىنداۋدى تالاپ ەتىپ وتىر.
Samsung كاسىپوداقتاردى تانۋعا ۇمتىلمايدى جانە جاعدايعا قاتىستى تۇسىنىكتەمە بەرمەدى. الايدا 13-قىركۇيەكتە ول چەنناي زاۋىتىنداعى جۇمىسشىلارىمەن بارلىق ماسەلەنى تەزىرەك شەشۋ ءۇشىن كەلىسسوزدەر جۇرگىزە باستاعانىن مالىمدەدى.