ءۇندىستاندا 33 ادام نايزاعاي ءتۇسىپ قايتىس بولدى
استانا. KAZINFORM - ءۇندىستاندا 33 ادام جاي ءتۇسىپ كوز جۇمدى، ونداعان ادام جاراقات الدى، دەپ حابارلايدى El.kz ينتەرنەت پورتالى.
تابيعي اپاتقا قارسى كۇرەس جونىندەگى مەملەكەتتىك باسقارما مالىمەتىنشە، قايعىلى جايت بيحار شتاتىندا سارسەنبىدەن بەيسەنبىگە دەيىنگى ارالىقتا بولعان داۋىل كەزىندە تىركەلگەن. قۇربانداردىڭ باسىم بولىگى - اشىق اسپان استىندا جۇمىس ىستەپ جۇرگەن فەرمەرلەر مەن جۇمىسشىلار.
بيحار شتاتىنىڭ توتەنشە جاعدايلاردى باسقارۋ ءمينيسترى ۆيدجاي كۋمار ماندال AFP اگەنتتىگىنە بەرگەن سۇحباتىندا قاۋىپ-قاتەر جوعارى اۋداندارداعى جەرگىلىكتى بيلىككە نايزاعاي تۋرالى ەسكەرتۋ العاننان كەيىن حالىقتى اقپاراتتاندىرۋ جانە قاۋىپسىزدىك شارالارىن كۇشەيتۋ تاپسىرىلعانىن ايتتى.
شتات ۇكىمەتى نايزاعايدان قازا تاپقانداردىڭ وتباسىلارىنا 4 ميلليون رۋپي (شامامەن 4600 ا ق ش دوللارى) كولەمىندە وتەماقى تولەنەتىنىن حابارلادى.
رەسمي دەرەكتەرگە سايكەس، 2024-جىلى ءۇندىستاندا نايزاعايدان كەمىندە 243 ادام قازا تاپقان. ال 2023-جىلى بۇل كورسەتكىش 275 ادامدى قۇراعان.
مۋسسون ماۋسىمىنىڭ شارىقتاۋ شەگىندە شىعىس ءۇندىستان، سونىڭ ىشىندە بيحار شتاتىندا ونداعان ادام قازا تاۋىپ، جۇزدەگەن مىڭ تۇرعىن ەۆاكۋاتسيالانادى.