ءۇندىستان پاكىستان جاققا بالليستيكالىق زىمىران اتتى

استانا. قازاقپارات – ءۇندىستان يسلامابادقا سەس كورسەتتى. ەلدىڭ اسكەري-تەڭىز كۇشتەرى پاكىستان جاققا بالليستيكالىق زىمىران اتتى. مۇنى رەيتەر اگەنتتىگى حابارلادى.

بۇل - ءۇندىستاننىڭ ەڭ ۇزاق قاشىقتىققا ۇشىرعان زىمىرانى. اسكەري تەڭىز كۇشتەرى سىناق ءساتتى وتكەنىن مالىمدەدى. سوڭعى كۇندەرى ەكى ەل اراسىندا قارىم-قاتىناس شيەلەنىسىپ تۇر. جۋىردا كاشميردە لاڭكەستەر تۋريستەرگە وق اتىپ، 30 عا جۋىق ادامدى مەرت قىلدى. تەراكتىنى ۇيىمداستىرعانداردىڭ ەكەۋى - پاكىستان ازاماتى. سوندىقتان ءۇندىستان لاڭكەستەردىڭ ارتىندا رەسمي يسلاماباد تۇر دەپ سانايدى. بۇعان جاۋاپ رەتىندە شەكارانى جاپتى. سونداي-اق ترانسشەكارالىق سۋلاردى بىرلەسىپ پايدالانۋ تۋرالى كەلىسىمنەن شىقتى.

ال پاكىستان تەرراكتىگە قاتىستى بەيتاراپ تەرگەۋ جۇرگىزۋدى تالاپ ەتىپ وتىر. حالىقارالىق قاۋىمداستىقتى شىندىقتىڭ بەتىن اشۋعا شاقىردى.

24.kz