ءماجىلىس دەپۋتاتى باس پروكۋراتۋرادان «س ق-فارماتسيا» باسشىلارىن تەرگەۋدى تالاپ ەتتى

استانا. KAZINFORM - ءماجىلىس دەپۋتاتى باقىتجان بازاربەك باس پروكۋراتۋرادان «س ق- فارماتسيا» كومپانياسىن تەكسەرىپ، باسشىلارىن قاماۋعا الۋدى سۇرادى.

دەپۋتات Facebook-تەگى پاراقشاسىندا باس پروكۋراتۋراعا ارىز جولداعانىن مالىمدەدى.

ارىزدا ول «س ق-فارماتسيا» ج ش س، ۇلتتىق ءدارى-دارمەكتەر ساراپتاماسى ورتالىعى، ءبىرىڭعاي ديستريبيۋتور جانە ەلىمىزدەگى فارماتسيەۆتيكالىق كومپانيالاردىڭ تەرگەۋدى سۇراعان.

ونىڭ ايتۋىنشا، بۇل - تەكسەرۋ جۇرگىزۋ تۋرالى ءتورت ارىزدىڭ العاشقىسى. قالعان ارىزدار دەنساۋلىق ساقتاۋ ۇيىمدارىنىڭ جۇمىسى، اۋىل شارۋاشىلىعىنداعى سۋبسيديالار جانە رەسپۋبليكالىق بيۋجەتتى ورىنداۋ جونىندەگى ەسەپ بويىنشا ءبىرقاتار مينيسترلىكتەرگە قاتىستى بولماق.

دەپۋتاتتىڭ مالىمدەمەسى جوعارعى اۋديتورلىق پالاتانىڭ (ج ا پ) تەكسەرۋ ناتيجەلەرىنە نەگىزدەلگەن. اۋديتورلار 2022-2023-جىلدارى:

«س ك-فارماتسيا» كەيبىر ءدارى-دارمەكتى نارىقتاعى باعادان @-365 قىمباتقا ساتىپ العانىن؛

جوسپار دۇرىس بولماي، 2,8 ميلليارد تەڭگەگە الىنعان ءدارىنى مەديتسينالىق مەكەمەلەر قابىلداۋدان باس تارتقانىن؛

تاعى 280 ميلليون تەڭگەنىڭ ءدارىسى مۇلدە جارامسىز بولعاندىقتان تىزىمنەن شىعارىلعانىن؛

جالپى مەملەكەتكە كەلتىرىلگەن شىعىننىڭ 17,2 ميلليارد تەڭگەگە جەتكەنىن؛

سونىمەن قاتار فارمكومپانيالارعا 538 ميلليون تەڭگە ارتىق تولەنگەنىن انىقتادى.

ەندى باقىتجان بازاربەك سوتقا دەيىنگى تەرگەۋ جۇرگىزىپ، قاماۋعا الۋ جانە قىلمىستىق ءىس قوزعاۋدى تالاپ ەتىپ وتىر . ونىڭ ايتۋىنشا، فارماتسيەۆتيكا سالاسىندا جۇيەلى باقىلاۋدىڭ بولماۋى بيۋجەت قارجىسىنىڭ ءتيىمسىز جۇمسالۋىنا اكەپ سوقتى.

- ءبىز باس پروكۋراتۋرادان فارماتسيەۆتيكا سالاعا كەشەندى پروكۋرورلىق تەكسەرۋ جۇرگىزۋدى، قۇقىق قورعاۋ ورگاندارىنان تەرگەۋ شارالارىن جانە كىنالى تۇلعالاردى قاماۋعا الۋدى سۇراپ وتىرمىز، - دەدى دەپۋتات.

سونىمەن قاتار جوعارى اۋديتورلىق پالاتا ءتوراعاسى سمايىلوۆ ەلدىڭ فارماتسيەۆتيكا نارىعىنا 1,2 تريلليون تەڭگە قارجى جۇمسالعانىن، ءبىراق سالادا ناقتى جەتىستىك از ەكەنىن ايتقان ەدى.

بۇعان دەيىن باقىتجان بازاربەك بيۋجەت قاراجاتىن جىمقىرۋ فاكتىسى بويىنشا باس پروكۋراتۋراعا 4 ارىز بەرەتىنىن جازعان ەدىك.