ءماجىلىس دەپۋتاتى استانادا جۇمىس كۇنىن ساعات 7 دەن باستاۋدى ۇسىندى
استانا. KAZINFORM - ءماجىلىس دەپۋتاتى اسىلبەك نۇرالين استانادا جۇمىس كۇنى باستالاتىن ۋاقىتتى ساعات 9 دان 7 گە اۋىستىرۋدى ۇسىندى.
- اشىق ستاتيستيكالىق دەرەكتەرگە سۇيەنسەك، استانا قالاسىنداعى جۇمىسشىلاردىڭ P- دان استامى مەملەكەتتىك مەكەمەلەردە قىزمەت ەتەدى. وسىعان بايلانىستى ورتالىق اتقارۋشى ورگانداردىڭ ۇلتتىق كومپانيالاردىڭ، ۆەدومستۆولارعا باعىنىشتى ۇيىمداردىڭ قىزمەتشىلەرىنە ارنالعان كولىك اعىنىن قايتا رەتتەۋ ماسەلەسىن پىسىقتاۋ قاجەت. سونداي- اق، اگلومەراتسيالارداعى كولىك ساياساتىنىڭ اياسىندا اتالعان ساناتتاعى ۇيىمداردىڭ جۇمىس ۋاقىتىن اۋىستىرۋ ماسەلەسىن قاراستىرۋ ۇسىنىلادى، - دەدى ول.
دەپۋتاتتىڭ سوزىنشە، زەرتتەۋلەر ەڭبەك ونىمدىلىگى تاڭعى ساعاتتاردا الدەقايدا جوعارى ەكەنىن كورسەتكەن.
- جۇمىس كەستەسىن ساعات 9-دان 7-گە جانە 8-گە اۋىستىرۋ ۇسىنىلىپ وتىرعان شارالارعا ايتارلىقتاي ساي، - دەدى دەپۋتات.
ەسكە سالساق، 19 -ناۋرىزدا وسكەمەندە جۇمىس ۋاقىتى 1 ساعاتقا شەگەرىلگەن بولاتىن.
اۆتور
ەسىمجان ناقتىباي