ءماجىلىس عىلىم جانە تەحنولوگيالىق ساياسات جونىندەگى زاڭدى قابىلدادى
استانا. KAZINFORM - بۇگىن پارلامەنت ءماجىلىسىنىڭ جالپى وتىرىسىندا «عىلىم جانە تەحنولوگيالىق ساياسات تۋرالى» زاڭى مەن ىلەسپە قۇجاتتار ەكىنشى وقىلىمدا قارالىپ، قابىلداندى.
اتالعان زاڭ جوبالارىن پارلامەنت ءماجىلىسى بيىلعى 6-ناۋرىزىندا ءبىرىنشى وقىلىمدا ماقۇلدادى. زاڭ عىلىم جانە تەحنولوگيالىق ساياسات ماسەلەلەرى جونىندەگى مەملەكەتتىك ساياساتتىڭ قۇقىقتىق، ەكونوميكالىق، الەۋمەتتىك جانە ۇيىمداستىرۋشىلىق نەگىزدەرىن جەتىلدىرۋگە باعىتتالعان.
اتاپ ايتقاندا، زاڭ جوباسىندا قازاقستان رەسپۋبليكاسىنىڭ ۇلتتىق عىلىمي جۇيەسىن دامىتۋ تەتىكتەرى كوزدەلەدى، عىلىمي قىزمەت سۋبەكتىلەرى، ولاردىڭ قۇقىقتارى ايقىندالادى، ۇلتتىق عىلىم اكادەمياسىنىڭ قۇقىقتىق مارتەبەسى، عىلىم قورىنىڭ قىزمەتى جانە عىلىمي قىزمەتتى قارجىلاندىرۋ تەتىكتەرى بەكىتىلەدى.
«زاڭ جوبالارىن قاراۋ بارىسىندا دەپۋتاتتار ءتيىستى تۇزەتۋلەر ەنگىزدى. بىرىنشىدەن، زەرتتەۋ ۋنيۆەرسيتەتى مارتەبەسىن بەرۋ ءتارتىبىن رەتتەۋ، زەرتتەۋ ۋنيۆەرسيتەتىنىڭ جانىنان عىلىمي ورتالىقتار اشۋ جانە تاجىريبەلىك-كونسترۋكتورلىق جۇمىستاردى ورىنداۋ ءۇشىن جۇمسالعان قاراجاتتىڭ 100 پايىزىن سالىق شەگەرىمىنە جاتقىزۋ ۇسىنىلدى. بۇل رەتتە بيزنەس عالىمداردىڭ زەرتتەۋلەرىن وندىرىسكە ەنگىزىپ، عىلىمي ورتالىقتار مەن جاڭا جۇمىس ورىندارىن اشۋعا مۇمكىندىك بولادى»، - دەدى ءماجىلىس دەپۋتاتى تاڭساۋلە سەرىكوۆ.
ىلەسپە زاڭ جوباسىنا جانە سالىق كودەكسىنە ق ر ۇكىمەتىنىڭ ۇسىنىسى بويىنشا زاڭ جوباسى اياسىندا ءبىرقاتار تۇزەتۋلەر قاراستىرىلعان:
- پلاتفورمالىق جۇمىسپەن قامتۋ ارقىلى قىزمەت كورسەتەتىن ءوزىن- ءوزى جۇمىسپەن قامتىعان ادامداردى الەۋمەتتىك قامسىزداندىرۋ جۇيەسىنە تارتۋ جانە راسىمدەۋ؛
- حالىقارالىق مامانداندىرىلعان كورمە اۋماعىن كورمەدەن كەيىنگى پايدالانۋدى رەتتەۋدى ۇيىمداستىرۋ ءۇشىن مۇلىككە جەڭىلدىكتى سالىق ستاۆكاسىنىڭ قولدانىلۋ مەرزىمىن ۇزارتۋ؛
- پايدالى قازبالاردى وندىرۋگە سالىناتىن سالىق ستاۆكالارىن كەزەڭ-كەزەڭىمەن ارتتىرۋ.