ءماجىلىس ءتوراعاسى باۋىرجان مومىش ۇلىنىڭ ەسكەرتكىشىنە گۇل شوقتارىن قويدى
ءماجىلىس ءتوراعاسى ەرلان قوشانوۆ ۇلى وتان سوعىسىنداعى جەڭىستىڭ 80 جىلدىعىنا وراي باۋىرجان مومىش ۇلىنىڭ ەسكەرتكىشىنە گۇل شوقتارىن قويدى.
ءىس-شاراعا پارلامەنت فراكسيالارى مەن ارداگەرلەر ۇيىمدارىنىڭ وكىلدەرى جانە باۋىرجان مومىش ۇلى مونۋمەنتى ماڭىنا جينالعان جۇرتشىلىق قاتىستى. ولار ەرلىكپەن قازا تاپقان قاھارمانداردىڭ رۋحىنا تاعزىم ەتىپ، ءبىر مينۋت ۇنسىزدىكپەن ەسكە الدى.
باۋىرجان مومىش ۇلى - قازاقتىڭ كورنەكتى جازۋشىسى، كەڭەس وداعىنىڭ باتىرى. ۇلى وتان سوعىسى كەزىندە گەنەرال- مايور پانفيلوۆ باسقارعان 316-اتقىشتار ديۆيزياسىنىڭ قۇرامىندا شايقاسقان. كەيىن پولككە، ديۆيزياعا قولباسشىلىق ەتتى. ماسكەۋ تۇبىندەگى شايقاستا كورسەتكەن ەرلىگى ءۇشىن 1942 -جىلى كەڭەس وداعىنىڭ باتىرى اتاعىنا ۇسىنىلدى. بۇل ناگرادا وعان قايتىس بولعاننان كەيىن 1990 -جىلى بەرىلدى.
استاناداعى باتىرعا ارنالعان ەسكەرتكىش 2008 -جىلى اشىلدى. بۇل - باۋىرجان مومىش ۇلىنىڭ تۋعان ءوڭىرى جامبىل وبلىسىنىڭ ەلورداعا جاساعان تارتۋى.
پرەزيدەنت اكىمشىلىگىنىڭ باسشىسى ايبەك دادەباي راقىمجان قوشقاربايەۆ ەسكەرتكىشىنە گۇل شوعىن قويدى
قازاقستان رەسپۋبليكاسىنىڭ پرەزيدەنتى اكىمشىلىگىنىڭ باسشىسى ايبەك دادەباي رەيحستاگقا ءبىرىنشى بولىپ تۋ تىككەن قازاق حالقىنىڭ ۇلى پەرزەنتى، «حالىق قاھارمانى» راقىمجان قوشقاربايەۆتىڭ ەلورداداعى ەسكەرتكىشىنە گۇل شوعىن قويىپ، ەكىنشى دۇنيەجۇزىلىك سوعىستا ەرلىكپەن قازا تاپقان قازاقستاندىق جاۋىنگەرلەردىڭ رۋحىنا تاعزىم ەتتى. بۇل تۋرالى اقوردانىڭ باسپا ءسوز قىزمەتى ءمالىم ەتتى.