«وتباسى بانك» ءتوراعاسى ءلاززات يبراگيموۆا جىل سايىن بانك ارقىلى بەرىلەتىن نەسيەلىك باسپانانىڭ 50 پايىزى استانا، الماتى، شىمكەنت قالالارىنا تيەسىلى ەكەنىن ايتتى، دەپ حابارلايدى قازاقپارات ءتىلشىسى.
«قازىر ءبىز جىل سايىن 75-80 مىڭ نەسيە بەرەمىز. ونىڭ ىشىندە استانا، الماتى، شىمكەنت قالالارىنىڭ ۇلەسى 45-50 پايىزداي بولادى. ياعني، 45-50 مىڭ نەسيە وسى ءۇش قالاعا بەرىلىپ جاتىر. سول جوسپارمەن كەلە جاتىرمىز»، - دەدى ول.
بانك باسشىسى الداعى ءۇش جىلدا وسى كولەم وزگەرمەيتىنىن ايتادى.
«جوسپار وزگەرمەيدى. تەك قازىر بورىشكەرلەرگە نەسيە بەرۋ ءۇشىن ءبىز باعالاۋ كورسەتكىشتەرىن ەنگىزىپ جاتىرمىز. سول باعالاۋ كورسەتكىشىن كوتەرىپ جاتىرمىز. قازىر 2,5 بولسا، كەيىن 6-7 دەڭگەيىنە كوتەرۋ جاعىن ويلاستىرىپ وتىرمىز. ياعني، ءبىرىنشى كەزەكتە باسپاناعا اقشانى تۇراقتى جيناقتاعان ادامدار الادى»، - دەدى ءلاززات يبراگيموۆا.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.