ءجۇزىمنىڭ قانداي پايداسى بار؟
استانا. قازاقپارات - ءجۇزىم اعزانى توكسيندردەن تازارتادى جانە جاسارتادى. ءجۇزىم - تەك ءدامدى عانا ەمەس، سونىمەن قاتار پايدالى ءونىم.
ادامزات ءجۇزىمنىڭ ەمدىك قاسيەتىن كوپ جىلدار بۇرىن پايدالانا باستاعان، دەپ حابارلايدى segodnya.ua.
بۇگىنگى كۇنى زاماناۋي زەرتتەۋلەر «امپەلوتەراپيا»، ياعني، جۇزىممەن ەمدەۋ ۇعىمىنىڭ پايدا بولۋىنا الىپ كەلدى. قىزىل ءجۇزىمنىڭ سۇيەكتەرى پوليفەنول جانە بيوفلاۆونويدتەرگە باي جانە جۇرەك قان تامىر جۇيەسىنىڭ جۇمىسىن جاقسارتاتىن جانە تۇتاس اعزانى جاسارتاتىن كۇشتى انتيوكسيدانت بولىپ تابىلادى.
جۇزىممەن ەمدەۋدىڭ ءوزى زات الماسۋ، ءبىرىنشى كەزەكتە، سۋ-تۇز الماسۋ ءۇردىسىنىڭ بەلسەندىلىگىن ارتتىرۋعا باعىتتالعان. ءجۇزىمنىڭ قۇرامىندا ءزار ايدايتىن جانە ىسىككە قارسى زات رەتىندە اسەر ەتەتىن، جۇرەكتىڭ قىزمەتىن قالىپقا كەلتىرەتىن كالي تۇزدارى بار. مۇنان باسقا جۇزىممەن ەمدەۋ زات الماسۋدىڭ ۋىتتى زاتتارىن تەز شىعارۋمەن اينالىسادى.
ءبىراق، ءجۇزىمنىڭ قۇرامىندا كوپ مولشەردە قانت بار، سول سەبەپتى سۋسامىر اۋرۋىمەن اۋىراتىندارعا ونى كوپ مولشەردە جەۋگە بولمايدى.
بۇگىنگى كۇنى بارىنەن بۇرىن ءجۇزىمنىڭ پايداسى تۋرالى كوسمەتولوگتار بىلەدى. وسى جەمىستىڭ قولدانىلۋىمەن كوپتەگەن ماسكالاردىڭ رەسەپتتەرى بەلگىلى. ال ءجۇزىم سۇيەكتەرىنەن الىنعان ماي ارنايى دايىنداۋ ءادىسىنىڭ ارقاسىندا بارلىق بەلسەندى زاتتاردى ساقتايدى. جانە ول دارۋمەندەرگە، مينەرالدارعا جانە مايلى ەمەس قىشقىلدارعا باي.