23:10, 22 قىركۇيەك 2025

Chevron باسشىسى: قازاقستانمەن سەرىكتەستىك وتىز جىلدان بەرى تابىستى جالعاسىپ كەلەدى

نيۋ- يورك. قازاقپارات - Chevron كورپوراتسياسى ديرەكتورلار كەڭەسىنىڭ ءتوراعاسى جانە باس اتقارۋشى ديرەكتورى مايكل ۋيرت مەملەكەت باسشىسىمەن وتكەن كەزدەسۋدە قازاقستان ەكونوميكاسىنا ينۆەستيتسيا سالۋ مۇمكىندىكتەرى تالقىلانعانىن ايتتى.

Фото: Ақорда

- بۇگىن ءبىز پرەزيدەنتپەن ناتيجەلى اڭگىمە جۇرگىزدىك. اڭگىمە استانادا وتكەن الدىڭعى كەزدەسۋىمىزدەن ءوربىدى. كۇن تارتىبىندە ءوندىرىستى كەڭەيتۋ، ەنەرگەتيكا سالاسى مەن قازاقستان ەكونوميكاسىنا ينۆەستيتسيا سالۋ مۇمكىندىكتەرى تالقىلاندى. سونداي-اق، ەنەرگيا رەسۋرستارىن ەۋروپاعا جانە جالپى الەمدىك نارىقتارعا جەتكىزۋ ماسەلەلەرىن قاراستىردىق. ايتا كەتەيىن، ءبىزدىڭ سەرىكتەستىگىمىز وتىز جىلدان استام ۋاقىتتان بەرى جالعاسىپ كەلەدى جانە ول ايتارلىقتاي ەكونوميكالىق وسىمگە، سونداي-اق جاڭا جۇمىس ورىندارىنىڭ قۇرىلۋىنا ىقپال ەتتى. بۇل ۇزاق مەرزىمدى ءارى بولاشاعى زور ىنتىماقتاستىقتى ودان ءارى دامىتۋ ءۇشىن ماڭىزدى، - دەدى مايكل ۋيرت.

ايتا كەتەلىك قاسىم-جومارت توقايەۆ Chevron كورپوراتسياسى ديرەكتورلار كەڭەسىنىڭ ءتوراعاسى جانە باس اتقارۋشى ديرەكتورى مايكل ۋيرتتى قابىلداعان ەدى.

اقوردا بيلىك جانە ساياسات
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған. 2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист. Сейдақмет Бердіқұлов атындағы арнайы сыйлықтың лауреаты.