ChatGPT گە سىر ايتۋعا بولمايدى
- ChatGPT گە قۇپياڭدى ايتۋعا بولمايدى. Kazinform تىلشىسىنە ءدال وسىلاي دەپ پىكىر بىلدىرگەن IT مامانى عاسىر قۇرالباي ۇلى مۇنىڭ سەبەبىن ءتۇسىندىردى.
- ChatGPT گە جازعان جازبالارىمىزدى دەربەس دەرەكتەرگە جاتقىزۋعا بولادى. سول سەبەپتى بۇل قوسىمشامەن ديالوگ كەزىندە دە ءوز اقپاراتتارىمىزدى قورعاۋىمىز كەرەك. ادامدار وندا ءوزىنىڭ سەنتيمەنتالدى سۇراقتارىن قويىپ، ەشكىمگە ايتا الماعان دۇنيەلەرىن ايتۋى مۇمكىن. ەگەر ول دەرەكتەر سىرتقا شىعىپ كەتسە، بۇل وتە قاۋىپتى. سەبەبى ەشقانداي جۇيە بىزگە بولاشاقتا اقپارات قولدى بولمايتىنىنا 0 كەپىلدىك بەرمەيدى، - دەيدى ساراپشى.
عاسىر قۇرالباي ۇلى بۇل قاعيدانى اسىرەسە مەملەكەتتىك قىزمەتكەرلەر قاتاڭ ۇستانۋى كەرەكتىگىن ەسكەرتتى.
- وعان قوسا، مەملەكەتكە قىزمەت ەتەتىن ازاماتتار، مىسالى، دەپۋتاتتار، اسكەري قىزمەتكەرلەر ChatGPT گە بۇرىن-سوڭدى ەش جەردە جاريالانباعان جوبالاردى، اسكەري قۇپيالاردى ءبولىسۋى مۇمكىن. سول سەبەپتى مەن ءوز ساباقتارىمدا ۇنەمى مەملەكەتتىك قىزمەتشىلەرگە ەسكەرتىپ وتىرامىن. اكىمدەر، اسكەريلەر، قانداي ءدا بىر اقپاراتقا يە مەملەكەتتىك قىزمەتكەرلەر ءالى جاريالانباعان ۇلتتىق جوبالاردى، اسكەري قۇپيالاردى، تۇرعىنداردىڭ دەرەكتەرىن ChatGPT مەن بولىسپەۋى كەرەك. ايتا قالعان كۇننىڭ وزىندە، مۇمكىندىگىنشە بۇركەنشىك اتپەن بولىسكەن دۇرىس. سوندا عانا ءبىز دەرەكتەردى قورعاي الامىز، - دەيدى ول.
21-عاسىرداعى بەلسەندى جەلى قولدانۋشىلاردىڭ ۆيرتۋالدى دوسىنا اينالعان قوسىمشانىڭ وزىنەن دە سۇراپ كوردىك. جاساندى ينتەللەكت بۇل ماسەلەگە قاتىستى بىلاي دەيدى:
- ChatGPT سەكىلدى جاساندى ينتەللەكت پلاتفورمالارى - بۇلتتىق جۇيەلەر ارقىلى جۇمىس ىستەيدى. ياعني، ەنگىزىلگەن ماتىندەر سەرۆەرلەردە وڭدەلەدى. ادامدار ChatGPT- مەن سىرلاسۋ سەكىلدى ارەكەتكە باراتىنى راس. بۇل پسيحولوگيالىق تۇرعىدا تۇسىنىكتى بولسا دا، جەكە نەمەسە ينتيمدىك مالىمەتتەردى ەنگىزۋ - تاۋەكەل. جۇيە ولاردى ارنايى پايدالانبايدى، ءبىراق قاتە كونفيگۋراتسيا نەمەسە شابۋىل جاعدايىندا بۇل دەرەكتەردىڭ سىرتقا شىعۋ ىقتيمالدىعى جوق ەمەس. جاساندى ينتەللەكتىمەن جۇمىس ىستەگەندە نەگىزگى جاۋاپكەرشىلىك قولدانۋشىدا. سول سەبەپتى، قۇپيا، دەربەس نەمەسە ءالى جاريالانباعان اقپاراتتاردى مۇندا ەنگىزبەۋ - ەڭ دۇرىس شەشىم.
ايتا كەتەيىك، ەندى ش ق و- دا ەڭبەك قاۋىپسىزدىگىن جاساندى ينتەللەكت باقىلايدى.
وعان قوسا، اقىلدى جۇيە بەدەۋلىكپەن كۇرەسۋگە دە كومەكتەسەدى.