ا ق ش كومپانياسى مۇنى ەۋروپا وداعىنىڭ جاساندى ينتەللەكتكە قوياتىن تالاپتارىنا سايكەستەندىرۋ ءۇشىن جاسالىپ وتىرعان قادام دەپ ءتۇسىندىردى.
كورىنبەيتىن بەلگى الداعى اپتالاردا ە و اۋماعىنداعى ChatGPT جانە Codex پايدالانۋشىلارى ءۇشىن ەنگىزىلەدى.
OpenAI مالىمدەۋىنشە، كورىنبەيتىن بەلگىلەر ناقتى سيمۆول ەمەس، ونى ءماتىندى وقىپ وتىرعان ادام كورمەيدى، ەرەكشە تىزبەكپەن جاسالاتىن مودەلدى دەتەكتور عانا تانيدى. كومپانيا دەتەكتوردى ارنايى رۇقسات العان زەرتتەۋشىلەر مەن مامانداندىرىلعان ۇيىمدار عانا پايدالانا الادى.
- ءبىز شىعارعان textGrain كورىنبەيتىن ءماتىن تەحنولوگياسى مودەلدىڭ ءسوز تاڭداۋىنا كورىنبەيتىن ستاتيستيكالىق سيگنال قوسادى. ءبىزدىڭ دەتەكتورىمىز ءماتىن بولىگىندە OpenAI ورناتقان كورىنبەيتىن بەلگى بار-جوعىن انىقتاۋ ءۇشىن وسى سيگنالدى ىزدەيدى،- دەيدى OpenAI وكىلدەرى.
كورىنبەيتىن بەلگىلەر ادامنىڭ ماتەريالعا قوسقان ۇلەسىن ولشەمەيدى، مەنشىك قۇقىعىن نەمەسە جاۋاپكەرشىلىكتى بەلگىلەمەيدى، پايدالانۋشىنى انىقتامايدى جانە ماتەريالدىڭ ءتۇپنۇسقالىعىن تەكسەرمەيدى. سونىمەن قاتار، كورىنبەيتىن بەلگىنىڭ بولماۋى ءماتىننىڭ اۆتورى ادام ەكەنىنە 0 كەپىلدىك بەرمەيدى.
ەسكە سالا كەتەيىك، ج ي اگەنتتەرىنە قاتىستى داۋ تۋىنداپ، OpenAI مەن Anthropic باسشىلارى اۋستراليا سەناتىنا شاقىرىلعان بولاتىن.
OpenAI كومپانياسى وتكىزگەن ىشكى سىناق كەزىندە ChatGPT چات-بوتىنىڭ جاڭا ج ي-اگەنتى ءوز بەتىنشە نۇسقاۋلىق جازىپ، وزىنە وكىمەتكە جانە كورپوراتسيالارعا باعىنباۋدى تاپسىرعان.