ءۇشىنشى كۇن 40 مەترلىك جۇك كولىگىن جولدان الىپ تاستاي الماي جاتىر
11:43, 07 - ماۋسىم 2025
استانا. قازاقپارات - 6- ماۋسىم ساعات 21:30 جاعداي بويىنشا كولىكتەر ءبىر جولاقپەن كەزەكتەسىپ ءوتىپ جاتىر. بۇل تۋرالى قازاۆتوجول حابارلادى.
- ءۇشىنشى كۇن قاتارىنان اۋقىمدى جۇمىس ىستەلىپ جاتىر. جۇمىستىڭ ۇزاققا سوزىلۋىنىڭ سەبەبى - ءىرى گاباريتتى جۇك ارنايى تەحنيكانى پايدالانۋدى قاجەت ەتەدى، - دەلىنگەن حابارلامادا.
وقيعانىڭ سالدارىن جويۋ جۇمىسى جالعاسىپ جاتىر.
- جۇرگىزۋشىلەردەن جولدىڭ وسى ۋچاسكەسىندە قوزعالىس ەرەكشەلىكتەرىن ەسكەرىپ، بارىنشا ساق بولۋدى سۇرايمىز، - دەلىنگەن قازاۆتوجول حابارلاماسىندا.
ايتا كەتەلىك ماشات اسۋىندا جۇك كولىگى جول اپاتىنا ۇشىراپ، تاراز - شىمكەنت تراسساسىن جاۋىپ تاستاعانى تۋرالى جازعان ەدىك.