ءۇشارال-دوستىق اۆتوجولى اقىلى بولادى

استانا. KAZINFORM - ۇزىندىعى 180 شاقىرىمدى قۇرايتىن ءۇشارال- دوستىق اۆتوموبيل جولى اقىلى بولماق. بۇل جايىندا كولىك ءمينيسترىنىڭ اشىق ن ق ا پورتالىندا جاريالانعان بۇيرىق جوباسىندا ايتىلعان.

قۇجاتقا سايكەس، 180 شاقىرىمدىق اقىلى اۆتوموبيل جولمەن ءجۇرىپ ءوتۋ ءۇشىن تولەم مولشەرلەمەلەرى كولىكتەردىڭ ساناتىنا قاراي مىناداي بولادى:

Фото: КазАвтоЖол

- 16 ورىنعا دەيىنگى اۆتوبۋستار جانە جۇك كوتەرگىشتىگى 2,5 تونناعا دەيىن جۇك اۆتوموبيلدەرى ءۇشىن الدىن الا تولەم جاسالعاندا 1050 تەڭگەنى، كەيىننەن تولەنگەندە 1240 تەڭگەنى؛

- 32 ورىنعا دەيىنگى اۆتوبۋستار جانە جۇك كوتەرگىشتىگى 5,5 تونناعا دەيىن جۇك اۆتوموبيلدەرى ءۇشىن الدىن الا تولەم جاسالعاندا 2 130 تەڭگەنى، كەيىننەن تولەنگەندە 2 500 تەڭگەنى؛

- 32 ورىننان اساتىن اۆتوبۋستار جانە جۇك كوتەرگىشتىگى 10 تونناعا دەيىن اۆتوپوەزدار ءۇشىن الدىن الا تولەم جاسالعاندا 3180 تەڭگەنى، كەيىننەن تولەنگەندە 3738 تەڭگەنى؛

- جۇك كوتەرگىشتىگى 10 توننادان جوعارى 15 تونناعا دەيىنگى جۇك اۆتوموبيلدەرى ءۇشىن الدىن الا تولەم جاسالعاندا 4260 تەڭگەنى، كەيىننەن تولەنگەندە 5010 تەڭگەنى؛

- جۇك كوتەرگىشتىگى 15 توننادان جوعارى، ونىڭ ىشىندە تىركەلگىش جانە ەرشىكتى تارتقىشتار ءۇشىن الدىن الا تولەم جاسالعاندا 5310 تەڭگەنى، كەيىننەن تولەنگەندە 6250 تەڭگەنى قۇرايدى.

اۆتوكولىك قۇرالىنىڭ تۇرىنە جانە جۇك كوتەرگىشتىگىنە بايلانىستى جەرگىلىكتى اۆتوكولىك ءۇشىن 1 ايلىق جانە 1 جىلدىق ابونەمەنتتەر قاراستىرىلعان.

اتاپ ايتقاندا:

- 16 ورىنعا دەيىنگى اۆتوبۋستار جانە جۇك كوتەرگىشتىگى 2,5 تونناعا دەيىن جۇك اۆتوموبيلدەرى ءۇشىن 1 ايعا 3692 تەڭگە، 1 جىلعا 44304 تەڭگە؛

- 32 ورىنعا دەيىنگى اۆتوبۋستار جانە جۇك كوتەرگىشتىگى 5,5 تونناعا دەيىن جۇك اۆتوموبيلدەرى ءۇشىن 1 ايعا 7384 تەڭگە، 1 جىلعا 88608 تەڭگە؛

- 32 ورىننان اساتىن اۆتوبۋستار جانە جۇك كوتەرگىشتىگى 10 تونناعا دەيىن اۆتوپوەزدار ءۇشىن 1 ايعا 11076 تەڭگە، 1 جىلعا 132912 تەڭگە؛

- جۇك كوتەرگىشتىگى 10 توننادان جوعارى 15 تونناعا دەيىنگى جۇك اۆتوموبيلدەرى ءۇشىن 1 ايعا 14768 تەڭگە، 1 جىلعا 177216 تەڭگە؛

- جۇك كوتەرگىشتىگى 15 توننادان جوعارى، ونىڭ ىشىندە تىركەلگىش جانە ەرشىكتى تارتقىشتار ءۇشىن 1 ايعا 18460 تەڭگە، 1 جىلعا 221520 تەڭگە بولادى.

ايتا كەتەيىك، ءۇشارال-دوستىق اۆتوموبيل جولىن اقىلى نەگىزدە پايدالانۋ مەرزىمى 20 جىل دەپ بەلگىلەنبەك.

بۇيرىق جوباسى 9 -قىركۇيەككە دەيىن قوعامدىق تالقىلاۋعا شىعارىلىپ وتىر.

اۆتور

مارلان جيەمباي