ءۇش وڭىردە ۇسىك جۇرەدى: بۇگىنگى اۋا رايى بولجامى

 ەل اۋماعىنىڭ باسىم بولىگى انتيسيكلون ىقپالىندا بولعاندىقتان بۇگىن اۋا رايى جاۋىن- شاشىنسىز بولادى، دەپ حابارلايدى قازاقپارات «قازگيدرومەت» ر م ك-عا سىلتەمە جاساپ. 

سينوپتيكتەردىڭ بولجامى بويىنشا، تەك رەسپۋبليكانىڭ باتىسىندا جانە تاۋلى ايماقتارىندا اتموسفەرالىق فرونتتاردىڭ اسەرىنەن جاڭبىر جاۋادى. سونىمەن قاتار رەسپۋبليكا بويىنشا تۇمان ءتۇسىپ، سولتۇستىكتە، وڭتۇستىكتە، باتىستا، وڭتۇستىك- شىعىستا ەكپىندى جەل سوعادى،

تۇندە وڭتۇستىكتە، اقمولا ورتالىعىندا، قوستاناي، سولتۇستىك قازاقستان وبلىستارىنىڭ وڭتۇستىك- شىعىسىندا 1-2 گرادۋس ۇسىك جۇرەدى.

تۇركىستاندا، قىزىلوردا وبلىسىنىڭ وڭتۇستىگىندە وتە جوعارى ءورت قاۋپى ساقتالادى.

جامبىل، ماڭعىستاۋ وبلىستارىندا، اتىراۋ وبلىسىنىڭ وڭتۇستىگى مەن شىعىسىندا جوعارى ءورت قاۋپى بار.