- جەرگىلىكتى ماڭىزى بار جولدار تولىعىمەن اكىمدىكتەردىڭ قۇزىرەتىنە جاتادى. بيىل وسى جولداردا 251 ادام قازا تاپتى. ونىڭ 90 پايىزى تۇركىستان، الماتى، جامبىل وبلىستارىندا ورىن العان، ياعني، وسى ءۇش وبلىستا جاعداي وتە اۋىر. نەگىزگى سەبەپ - كولىكتەردىڭ بەتپە-بەت سوعىسۋى، كەدەرگىلەر مەن جانۋارلاردى قاعىپ كەتۋ جانە اۋدارىلۋ جاعدايلارى. وسى وبلىستاردىڭ اكىمدەرى بۇل ماسەلەنى شۇعىل تۇردە قولعا الۋ كەرەك. اتاپ ايتقاندا قورشاۋلار مەن جول بەلگىلەرىن ورناتۋ، قاۋىپسىز جول جيەكتەرىن جاساۋ، تەسىك-شۇڭقىرلاردى جويۋ شارالارىن قابىلداۋ قاجەت، - دەدى ەرجان سادەنوۆ.
ونىڭ ايتۋىنشا، ەلدى مەكەندەردە ينفراقۇرىلىم ماسەلەسى دە جاقسى ەمەس. بارلىق جول-كولىك وقيعالارىنىڭ 80 پايىزى جانە ادام ءولىمىنىڭ ۇشتەن ءبىرى وسى ەلدى مەكەندەردە ورىن العان. بۇعان نەگىزگى سەبەپ - جاياۋ جۇرگىنشى وتپەلەرى، جارىقتاندىرۋ جانە تروتۋارلاردىڭ جوقتىعى.
- اتاپ ايتقاندا، 19 مىڭ وتپەنى باعدارشاممەن جابدىقتاۋ، 100 مىڭ مەتر جاياۋ جۇرگىنشى قورشاۋىن سالۋ، 15 مىڭ شاقىرىم جارىقتاندىرۋ جەلىسىن جانە 60 مىڭ شاقىرىم تروتۋار توسەۋ قاجەت. مىسالى، قوستاناي وبلىسىندا بارلىق جاياۋ جۇرگىنشى وتكەلدىڭ تەك 2 پايىزى پايىزى عانا باعدارشاممەن رەتتەلگەن. ال، قىزىلوردا وبلىسىندا بۇل كورسەتكىش – نەبارى %3 پايىز. الماتى، جامبىل، اتىراۋ جانە باتىس قازاقستان وبلىستارىندا، سونداي-اق الماتى قالاسىندا 9 پايىزدان اسپايدى،- دەدى مينيستر.
ايتا كەتەيىك، وتىرىستا جول قوزعالىسى قاۋىپسىزدىگىن قامتاماسىز ەتۋ ماسەلەسى قارالىپ، جىلۋ بەرۋ ماۋسىمىنا دايىندىق بارىسى پىسىقتالىپ جاتىر.