ءدىن بوستاندىعىن قولدايمىز – ا ق ش ەلشىسى
قازاقستانداعى ا ق ش ەلشىسى دەنيەل روزەنبليۋم جۋرناليستەرمەن وتكەن دوڭگەلەك ۇستەلدە ەلدەگى حيدجابقا رۇقسات بەرۋ جونىندە تىلشىلەر سۇراعىنا جاۋاپ بەردى، دەپ حابارلايدى قازاقپارات ءتىلشىسى.
«شىنىمدى ايتسام، قوعامدىق ورىنداردا، مەكتەپتەردە حيدجاب كيۋ ماسەلەسىمەن ونشا تانىس ەمەسپىن. بۇعان دەيىن وزبەكستاندا جۇمىس ىستەگەندە اتالعان ماسەلەنى ءجيى كورەتىنمىن، بۇل دا وزبەكستانداعى وزەكتى تاقىرىپ بولدى»، - دەپ جاۋاپ بەردى دەنيەل روزەنبليۋم.
ەلشى قازاقستانداعى جاعدايلارعا قاتىستى ناقتى پىكىر بەرە المايتىنىن، ءبىراق ا ق ش- تىڭ ءارقاشان ءدىن بوستاندىعى مەن ءوزىن تانىتۋ بوستاندىعى يدەياسىن قولدايتىنىن اتاپ ءوتتى.
«ءار ەلگە بايلانىستى «ءوزىن تانىتۋ» ۇعىمى وزگەرۋى مۇمكىن، سوندىقتان بۇل بولجالدار مەن ۇستانىمداردى ناقتى ەلگە بەيىمدەۋ قاشان دا ماڭىزدى، ءبىراق مەن ا ق ش- تا ءارقاشان وسىنداي بوستاندىقتاردى ساقتاۋ مەن قامتاماسىز ەتۋدى جاقتايتىنىمىزدى ايتقىم كەلەدى»، - دەدى ديپلومات.
بۇعان دەيىن دەنيەل روزەنبليۋم ا ق ش پرەزيدەنتى دجو بايدەننىڭ ورتالىق ازياعا ساپارى جونىندە سۇراقتارعا جاۋاپ بەردى.
ورتالىق ازيادا قازاقستان ازاماتتارىنا عانا ا ق ش- تىڭ 10 جىلدىق ميگراتسيالىق ەمەس ۆيزاسى بەرىلەدى. ەلشى ا ق ش ۆيزاسىن بەرۋدى جەڭىلدەتۋگە مۇددەلى ەكەندەرىن ايتتى.
سونداي-اق، ا ق ش ەلشىسى شەت ەلدەن اقشا الاتىن قازاقستاندىقتاردىڭ تىزىمىنە قاتىستى پىكىر ءبىلدىردى.