ءبىرىنشى كۋرس ستۋدەنتتەرىنىڭ ستيپەندياسى كەشىگىپ تۇسەتىن بولدى
استانا. KAZINFORM - «قارجى ورتالىعى» اكسيونەرلىك قوعامى ستۋدەنتتەرگە ەسكەرتۋ جاسادى.
قارجى ورتالىعى 2024-2025 وقۋ جىلىنىڭ ءبىرىنشى سەمەسترىنىڭ 1-كۋرسىندا ءبىلىم الۋشىلارعا بيىلعى قىركۇيەك ايىنىڭ مەملەكەتتىك ستيپەندياسى 2008-جىلعى 7-اقپانداعى 116-ق ر ۇكىمەتى قاۋلىسىمەن بەكىتىلگەن قاعيداعا سايكەس 30-قىركۇيەكتەگى جاعداي بويىنشا ج ج و ك ب ۇ ەسەپتەرىن تەكسەرگەننەن كەيىن قازان ايىنىڭ ىشىندە تولەنەتىنىن حابارلادى.
«سونداي-اق، جاڭادان تۇسكەن مەديتسينالىق جوعارى وقۋ ورىندارىنىڭ ءبىرىنشى كۋرس ستۋدەنتتەرىنە قىركۇيەك ايىنىڭ ستيپەندياسى قازان ايىندا ەكى ايعا (قىركۇيەك-قازان) قوسىلىپ تولەنەتىنىن ەسكە سالامىز. تولەمدەر ايدىڭ اياعىندا (قازاندا) جاسالادى. اۋىسپالى كۋرس ستۋدەنتتەرىنىڭ كونتينگەنتىنە (بارلىق باسقا ستۋدەنتتەرگە) قىركۇيەك ايىنىڭ مەملەكەتتىك ستيپەندياسىن تولەۋ ج ج و ك ب ۇ ۇسىنعان ەسەپتەرگە سايكەس جۇزەگە اسادى، ياعني ستيپەنديا قىركۇيەك ايىنىڭ سوڭىنا دەيىن تۇسەدى» دەيدى ۇيىمنىڭ باسپا ءسوز قىزمەتىنەن.
ايتا كەتەيىك، بيىلعى وقۋ جىلىنان باستاپ ستۋدەنتتەردىڭ ستيپەندياسى وسكەن بولاتىن.
كوللەدج ستۋدەنتتەرى ءۇشىن شاكىرتاقى P عا ارتىپ، جۇمىسشى ماماندىقتارىنا - 43574 تەڭگە، ورتا بۋىن ماماندارى ءۇشىن - 41896 تەڭگە بولدى.
باكالاۆريات ستۋدەنتتەرىنىڭ ستيپەندياسى عا ارتىپ، 47135 تەڭگەگە دەيىن، ال پەداگوگيكا جانە مەديتسينا باعىتتارىنداعى ءبىلىم الۋشىلاردىڭ ستيپەندياسى 75600 تەڭگەگە دەيىن ۇلعايدى.