ءبىرىڭعاي ۋاقىت بەلدەۋىنە كوشۋ: 1- ناۋرىزعا بيلەت العاندار نە ىستەۋى كەرەك

استانا. KAZINFORM - كولىك مينيسترلىگى حالىقارالىق اۋە كولىگى قاۋىمداستىعىمەن (IATA) بىرلەسىپ جۇيەلى جۇمىس اتقاردى. ناتيجەسىندە قازاقستاندىق اۆياكومپانيالار اۋە بيلەتىن ساتۋ جۇيەسىنە ءتيىستى وزگەرىستەر ەنگىزدى.

بۇل جايىندا ازاماتتىق اۆياتسيا كوميتەتىنىڭ باسپا ءسوز قىزمەتى حابارلادى.

ق ر ۇكىمەتىنىڭ 2024-جىلعى 19- قاڭتارداعى  20- قاۋلىسىنا سايكەس، 2024-جىلعى 29- اقپاننان 1- ناۋرىزعا قاراعان ءتۇنى (ساعات 00:00 دە) استانا، الماتى، شىمكەنت قالالارىندا، سونداي-اق اباي، ۇلىتاۋ، جەتىسۋ، اقمولا، الماتى، جامبىل، قاراعاندى، قوستاناي، پاۆلودار، سولتۇستىك قازاقستان، تۇركىستان، شىعىس قازاقستان وبلىستارىندا جەرگىلىكتى ۋاقىت 1 ساعاتقا ارتقا شەگەرىلەدى.

جولاۋشىلارعا بۇرىن ساتىپ الىنعان اۋە بيلەتتەرىنە ەنگىزىلگەن تۇزەتۋلەر تۋرالى ءتيىستى حابارلاما جىبەرىلگەن.

بۇل رەتتە جولاۋشىلارعا قولايلى جاعداي جاساۋ ماقساتىندا 29- اقپان مەن 2- ناۋرىز ارالىعىندا اۆياتسيا اكىمشىلىگى جەدەل شتابىندا رەيستىڭ ۇشۋ-كەلۋ ۋاقىتىن وزگەرتۋ ماسەلەسى بويىنشا سەنىم تەلەفونى جۇمىس ىستەيدى.

جولاۋشىلار مىنا نومىرلەرگە حابارلاسا الادى: 77172798214+، 77172798213+.

سونداي-اق، اعىمداعى رەيستىڭ جاعدايىن ناقتىلاۋ ءۇشىن جولاۋشىلارعا اۋەجايدىڭ اقپارات قىزمەتتەرىنە، قوسىمشالارعا جانە اۆياكومپانيانىڭ بايلانىس ورتالىقتارىنا حابارلاسۋعا بولادى:

77272444477+.