ءبىرقاتار وڭىردە نايزاعاي ويناپ، بۇرشاق جاۋادى، ءورت قاۋپى دە بار

استانا. قازاقپارات - 8 -شىلدەدە قازاقستان اۋماعىنىڭ ءبىر بولىگىندە قاۋىپتى مەتەورولوگيالىق قۇبىلىستار بولجانۋدا، دەپ حابارلايدى «قازگيدرومەت» ر م ك.

اتموسفەرالىق فرونتالدى بولىكتەردىڭ اسەرىنەن رەسپۋبليكانىڭ سولتۇستىگىندە، شىعىسىندا جانە وڭتۇستىك-شىعىسىندا اۋا رايى تۇراقسىز بولادى: نايزاعاي ويناپ، جاڭبىر جاۋادى. ەلدىڭ شىعىسىندا قاتتى جاڭبىر جاۋۋى مۇمكىن. كۇندىزگى ۋاقىتتا بۇرشاق كۇتىلەدى. قالعان وڭىرلەردە انتيتسيكلون اسەرىنەن جاۋىن-شاشىنسىز اۋا رايى بولجانۋدا.

ەلىمىزدىڭ باسىم بولىگىندە جەل كۇشەيەدى. شىعىس قازاقستاندا داۋىل سوعۋى ىقتيمال.

جوعارى ءورت قاۋپى ماڭعىستاۋ، اتىراۋ وبلىستارىندا، الماتى وبلىسىنىڭ وڭتۇستىگى مەن شىعىسىندا، شىعىس قازاقستان وبلىسىنىڭ وڭتۇستىگى، ورتالىعى جانە وڭتۇستىك- شىعىسىندا، اقتوبە وبلىسىنىڭ وڭتۇستىك- شىعىسىندا، ۇلىتاۋ وبلىسىنىڭ ورتالىعىندا كۇتىلەدى.

توتەنشە ءورت قاۋپى جامبىل، قىزىلوردا، تۇركىستان وبلىستارىندا، جەتىسۋ وبلىسىنىڭ سولتۇستىگى مەن باتىسىندا، الماتى وبلىسىنىڭ ورتالىعىندا، قاراعاندى وبلىسىنىڭ باتىسى، وڭتۇستىگى مەن شىعىسىندا، ۇلىتاۋ وبلىسىندا، اقتوبە وبلىسىنىڭ ورتالىعى، ماڭعىستاۋ وبلىسىنىڭ سولتۇستىك-باتىسى، قوستاناي وبلىسىنىڭ وڭتۇستىك- باتىسى جانە اباي وبلىسىنىڭ وڭتۇستىگىندە بولجانادى.

سونداي- اق:

اتىراۋ، الماتى وبلىستارىندا كۇندىز +35،

تۇركىستان وبلىسىنىڭ باتىسىندا +40،

جەتىسۋ وبلىسىنىڭ شىعىسى مەن سولتۇستىگىندە +35.. .+37 گرادۋس اپتاپ ىستىق كۇتىلەدى.