ەندى قاجەتتى ستاتيستيكالىق دەرەكتەردى الۋ، وڭىرلەر كورسەتكىشتەرىن سالىستىرۋ جانە ولاردىڭ سەرپىنىن تالداۋ جاساندى ينتەللەكت كومەگىمەن جۇزەگە اسىرىلادى. ق ر س ج ر ا ۇلتتىق ستاتيستيكا بيۋروسى «تالداۋ» جاڭارتىلعان اقپاراتتىق- تالدامالىق جۇيەسىندە AI TALDAU ينتەللەكتۋالدى كومەكشىسىن ىسكە قوستى.
Aى TALDAU- دىڭ باستى ەرەكشەلىگى — ستاتيستيكالىق اقپاراتتى ديالوگ فورماتىندا الۋ مۇمكىندىگىندە. پايدالانۋشىلارعا قاجەتتى كورسەتكىشتەردى كوپتەگەن كەستەلەر مەن بولىمدەردەن ءوز بەتىنشە ىزدەۋدىڭ قاجەتى جوق. قاجەتتى دەرەكتەردى الۋ ءۇشىن سۇراق قويۋ جەتكىلىكتى.
مىسالى «پاۆلودار وبلىسىندا سوڭعى بەس جىلدا ورتاشا جالاقى قالاي وزگەردى؟» نەمەسە «قازاقستان وڭىرلەرى بويىنشا حالىق سانىن سالىستىر» دەگەن سۇراقتار قويۋعا بولادى. A3 TALDAU ءتيىستى كورسەتكىشتەردى تاۋىپ، دەرەكتەردى سالىستىرادى، ولاردىڭ ديناميكاسىن كورسەتەدى جانە نەگىزگى ۇردىستەردى انىقتاۋعا كومەكتەسەدى.
سۇراۋ ناتيجەسى كەستەلەر، گرافيكتەر، دياگراممالار جانە تالدامالىق ماتەريالدار تۇرىندە ۇسىنىلادى. قاجەت بولعان جاعدايدا پايدالانۋشى سۇراعىن ناقتىلاپ، تولىعىراق اقپارات الا الادى.
ينتەللەكتۋالدى كومەكشى قازاق، ورىس جانە اعىلشىن تىلدەرىندە جۇمىس جاسايدى. دايىن ماتەريالداردى PDF، Word, PowerPoint جانە Excel فورماتتارىندا ساقتاۋعا بولادى.
Aى TALDAU- دى ىسكە قوسۋمەن قاتار «تالداۋ» جۇيەسىنىڭ ءوزى دە جاڭارتىلدى. جۇيەنىڭ ديزاينى مەن ناۆيگاتسياسى وزگەرتىلىپ، دەرەكتەردى ىزدەۋ جانە تالداۋ قۇرالدارى جەتىلدىرىلدى.
پايدالانۋشىلارعا وڭىرلەر، كەزەڭدەر جانە باسقا دا تالدامالىق پارامەترلەر بويىنشا ەگجەي-تەگجەيلى ستاتيستيكالىق اقپارات قولجەتىمدى. جۇيەدە كەستەلەردى ءوز بەتىنشە قالىپتاستىرۋعا، گرافيكتەر مەن دياگراممالار قۇرۋعا، كورسەتكىشتەردى سالىستىرۋعا جانە ناتيجەلەردى جەكە كابينەتتە ساقتاۋعا بولادى. سونىمەن قاتار دەرەكتەردى ودان ءارى وڭدەۋ جانە تالدامالىق جۇيەلەردە پايدالانۋ ءۇشىن ماشينا وقيتىن فورماتتاردا جۇكتەۋ مۇمكىندىگى قاراستىرىلعان.
— AI TALDAU كومەگىمەن بىرنەشە ساعات جۇمساپ ىزدەيتىن اقپاراتتى ەندى بىرنەشە سەكۋندتا الۋعا بولادى. سۇراق قويساڭىز جەتكىلىكتى، جۇيە جاريالانعان رەسمي دەرەكتەر نەگىزىندە جاۋاپ ۇسىنادى. مەن بۇل جوبانى ۇلتتىق ستاتيستيكانى دامىتۋدىڭ پەرسپەكتيۆالى باعىتتارىنىڭ ءبىرى دەپ سانايمىن. ءبىز رەسمي ستاتيستيكانىڭ ءاربىر ادامعا قولجەتىمدى ءارى تۇسىنىكتى بولۋىنا، ال تەحنولوگيالاردىڭ ۋاقىتتى ۇنەمدەۋگە جانە ساپالى اقپارات نەگىزىندە شەشىم قابىلداۋعا كومەكتەسۋىنە ۇمتىلۋىمىز كەرەك، — دەپ اتاپ ءوتتى ۇلتتىق ستاتيستيكا بيۋروسىنىڭ باسشىسى ماقسات تۇرلىبايەۆ.
جاڭارتىلعان «تالداۋ» جۇيەسى مەن Aى TALDAU ينتەللەكتۋالدى كومەكشىسى ازاماتتارعا، كاسىپكەرلەرگە، جۋرناليستەرگە، زەرتتەۋشىلەرگە، تالداۋشىلارعا جانە مەملەكەتتىك ورگاندارعا ارنالعان.
وسىعان دەيىن ۇلتتىق ستاتيستيكا بيۋروسى مەملەكەتتىك ورگاندار مەن كومپانيالاردىڭ دەرەكتەرىن، سونداي- اق جاساندى ينتەللەكت مۇمكىندىكتەرىن كەڭىنەن پايدالانۋدى جوسپارلاپ وتىرعانىن جازعانبىز.