ءبىر كۇندە ءۇش كولىك جانىپ كەتتى: ت ج م ەل تۇرعىندارىنا ەسكەرتۋ جاسادى
08:25, 03 - اقپان 2025
استانا. KAZINFORM - سوڭعى ۋاقىتتا اۆتوموبيلدەردىڭ ورتەنۋى جيىلەپ كەتتى، دەپ حابارلايدى ق ر توتەنشە جاعدايلار مينيسترلىگىنىڭ باسپا ءسوز قىزمەتى.
باسپاءسوز قىزمەتىنىڭ مالىمەتتەرىنە قاراعاندا، بۇگىن كۇندىز جەتىسۋ وبلىسىندا 1، ال ەلوردادا 2 جەڭىل اۆتوكولىك جانعان. ورتتەر ءسوندىرىلدى، زارداپ شەككەندەر جوق.
- كوبىنەسە تەز تۇتاناتىن ماتەريالداردان تۇراتىن اۆتوكولىك 4-6 مينۋت ىشىندە تولىعىمەن جانىپ كەتەدى. بۇل رەتتە اسىرەسە كولىكتىڭ بينزين قۇياتىن باگى مەن گاز باللونىنىڭ جارىلۋ ءقاۋپى وتە جوعارى. سول سەبەپتى كولىك ورتەنگەندە ودان 10-15 مەتر قاشىقتىقتى ۇستاعان ءجون، - دەلىنگەن توتەنشە جاعدايلار مينيسترلىگىنىڭ باسپا ءسوز قىزمەتى تاراتقان اقپاراتتا.
وسىعان دەيىن اتىراۋدا قاڭتار باستالعالى 7 كولىك ورتەنىپ كەتكەنى تۋرالى جازدىق.