ءبىر دونور ءتورت ادامنىڭ ءومىرىن ساقتاپ قالدى

استانا. قازاقپارات - شىعىس قازاقستان وبلىسىندا مايتتىك دونور 4 ادامنىڭ ءومىرىن ساقتاپ قالدى. ينسۋلت العان 39 جاستاعى ازاماتتىڭ جاعدايى اۋىرلاپ، وعان باس ميىنىڭ ءولىمى دياگنوزى قويىلعان. تۋىستارىمەن جۇرگىزىلگەن اڭگىمەدەن سوڭ، ولار مارقۇمنىڭ قاجەتتى اعزاسىن الۋعا كەلىسىم بەرگەن.

التى ساعاتقا سوزىلعان وپەراتسيادان كەيىن مۋلتي ورگاندى اعزالار سان اۆياتسيا ارقىلى استاناعا جەتكىزىلدى. وسىلايشا بۇيرەك اۋىستىرۋعا مۇقتاج 9 جاستاعى قىز بالا مەن 58 جاستاعى كىسىنىڭ ومىرىنە اراشا تۇسۋگە مۇمكىندىك تۋدى. جۇرەك پەن وكپە دە ترانسپلانتاتسياعا ءزارۋ ناۋقاستارعا ءۇمىت سىيلادى.

سالا وكىلدەرىنىڭ ايتۋىنشا، مايتتىك دونور تاپشىلىعى ءالى دە وزەكتى. ەل بويىنشا كۇتۋ پاراعىندا 4080 ادام تىركەلسە، سونىڭ 300-گە جۋىعى شىعىس قازاقستان وبلىسىندا تۇرادى.