باسپاءسوز ورتالىعى ق ح ر استاناسىنىڭ «وليمپيادا اۋدانى» دەپ اتالاتىن اۋماعىنداعى قىتاي ۇلتتىق كونفەرەنتسيا ورتالىعىنىڭ كورمە كەشەنىندە ورنالاسقان.
باسپاءسوز ورتالىعى قىتاي ۇلتتىق كونفەرەنتسيا ورتالىعىنىڭ كورمە زالدارى مەن فويەسىن الىپ جاتىر. وندا جۇمىس ايماعى، پرەسس- كونفەرەنتسيا زالدارى، تەلەراديو حابارلارىن تاراتۋ ستۋديالارى، سۇحبات بولمەلەرى، فوتوستۋديالار، ورتالىق ديسپەتچەرلىك پۋنكت جانە سيگنال جازۋ بولمەسى بار.
وقيعالاردى ناقتى ۋاقىت رەجيمىندە تاراتۋ ءۇشىن جالپى جۇمىس ايماعىندا ۇلكەن ەكراندار ورناتىلعان. سونداي- اق، جۋرناليستەرگە ارنالعان 468 ورىن بار.
باسپاءسوز كونفەرەنتسيالارىن وتكىزۋگە ارنالعان ءتورت زال بولىنگەن. ولاردىڭ ەڭ ۇلكەنىنە 200 ادام سىيادى. باسپاءسوز ورتالىقتارىندا، سونداي- اق، سۇحبات الۋعا ارنالعان بولمەلەر بار.
باسپاءسوز ورتالىعىنىڭ قىزمەت كورسەتۋ بيۋروسى ب ا ق ءۇشىن انىقتامالىق ماتەريالدار تاراتادى جانە كولىك قىزمەتى، تاريحي كورىكتى جەرلەر مەن مارشرۋتتى جوسپارلاۋ تۋرالى كەڭەس بەرەدى.
باسپاءسوز ورتالىعىندا شەتەلدىك تىلشىلەردى قىتاي مادەنيەتىمەن، تاريحىمەن، بەيجىڭنىڭ كورىكتى جەرلەرىمەن تانىستىراتىن كورمەلەر قويىلعان.
ب ا ق وكىلدەرىنە تاماقتانۋ ورىندارى مەن بىرنەشە كوفە- برەيك الاڭدارى ۇيىمداستىرىلعان.
اۆتور
ەركەجان سماعۇلوۆا