ءبىلىم بەرۋ سالاسىنىڭ ءۇش لاۋازىمدى تۇلعاسى جاۋاپكەرشىلىككە تارتىلدى

پەتروپاۆل. KAZINFORM - سولتۇستىك قازاقستان وبلىسىنىڭ پروكۋرورلارى ءبىلىم بەرۋ مەكەمەلەرىندە ەڭبەك ەتەتىن كاسىپكەرلەردىڭ قۇقىقتارىن قورعادى.

س ق و پروكۋراتۋراسى ءمالىم ەتكەندەي، قاداعالاۋشى ورگان ءبىلىم بەرۋ سالاسىنىڭ جۇمىسىنا تالداۋ جۇرگىزىپ، ناتيجەسىندە وقۋشىلاردى تاماقتاندىرۋدى ۇيىمداستىرۋ كەزىندە ورەسكەل زاڭ بۇزۋشىلىق جىبەرىلگەنى انىقتالدى. وسىلايشا كاسىپكەرلەردىڭ قۇقىعى بۇزىلعان.

«وبلىستىق ءبىلىم باسقارماسىنىڭ لاۋازىمدى تۇلعالارى بيۋدجەت جانە سالىق زاڭناماسىنىڭ تالاپتارىن بۇزا وتىرىپ، بيۋدجەتتىك وتىنىمدەردى دايىنداۋ كەزىندە مەكتەپتە ءبىر رەتتىك تاماقتاندىرۋ قۇنىن ەسەپتەۋ كەزىندە قوسىلعان قۇن سالىعىنىڭ ستاۆكاسىن -  ەسكەرمەگەن. كاسىپكەرلەرگە تاماقتاندىرۋدى ۇيىمداستىرعاندارى ءۇشىن ءبىر وقۋشىعا قاجەتتى 647 تەڭگەنىڭ ورنىنا 614 تەڭگە مولشەرىندە تولەم جاسالعان. سونىڭ سالدارىنان مەكتەپتەردە تاماقتاندىرۋ قىزمەتىن كورسەتەتىن 6 كاسىپكەردىڭ قۇقىقتارى بۇزىلعان»، - دەيدى ءوڭىر پروكۋرورلارى.

قاداعالاۋ ورگانىنىڭ اكتىسى بويىنشا بيۋدجەتتىك وتىنىمدەردى قالىپتاستىرۋ قايتا قارالىپ، كاسىپكەرلىك سۋبەكتىلەرىمەن قوسىمشا كەلىسىمدەر جاسالدى. قارجىلاندىرۋ 5,6 ميلليون تەڭگەگە ۇلعايتىلدى.

زاڭ بۇزۋشىلىققا جول بەرگەن 3 لاۋازىمدى تۇلعا تارتىپتىك جاۋاپكەرشىلىككە تارتىلدى.

بۇعان دەيىن س ق و- دا بالاباقشا قىزمەتكەرلەرى وتىرىك بالا سانىن كوبەيتىپ، بيۋدجەتتەن اقشا الىپ كەلگەنىن جازعان ەدىك.

اۆتور

اقەركە داۋرەنبەك قىزى