جوسپارعا سايكەس، ۇسىنۋ جانە ءوزىن-ءوزى ۇسىنۋ كەزەڭى 14-قازاندا باستالادى جانە 27-قازاندا ساعات 18:00 دە اياقتالادى.
پارتيالىق تىزىمدەر جانە كانديداتتاردى تىركەۋ كەزەڭى 1-قاراشادا ساعات 18:00 دە اياقتالادى.
- ق ر سايلاۋ تۋرالى زاڭىنىڭ 27-بابى 2-تارماعىنا سايكەس، سايلاۋ الدىنداعى ۇگىت پارتيالىق تىزىمدەر جانە كانديداتتاردى تىركەۋ كەزەڭى اياقتالعان ساتتە باستالادى. ۇگىت-ناسيحات كەزەڭى سايلاۋعا ءبىر كۇن قالعاندا ساعات 00:00 دە اياقتالادى. ياعني، 1-قاراشا كۇنى ساعات 18:00 كەيىن باستالىپ، 28-قاراشادا ساعات 00:00 گە دەيىن جۇرگىزىلەدى، - دەدى و س ك ءتوراعاسىنىڭ ورىنباسارى مۇحتار ەرمان.
سايلاۋ ۋچاسكەلەرىنىڭ شەكارالارىن جانە ۋچاسكەلىك كوميسسيالاردىڭ قۇرامدارىن جاريالاۋ مەرزىمى سايلاۋ تاعايىندالعاننان كەيىن 15 كۇننەن كەشىكتىرمەي، ياعني 28-قازانعا دەيىن انىقتالۋى كەرەك.
جەرگىلىكتى اتقارۋشى ورگاندار سايلاۋشىلاردىڭ تىزىمدەرىن داۋىس بەرۋ باستالاردان 20 كۇن بۇرىن – 9-قاراشادا سايلاۋ ۋچاسكەلەرىنە جىبەرەدى.
ازاماتتاردىڭ تۇرعىلىقتى جەرى بويىنشا قۇرىلعان سايلاۋ ۋچاسكەلەرى بويىنشا سايلاۋشىلاردىڭ تىزىمدەرى سايلاۋشىلارعا وزدەرى تۋرالى دەرەكتەرمەن تانىسۋ ءۇشىن داۋىس بەرۋ كۇنىنەن 15 كۇن بۇرىن، ياعني 13-قاراشادان باستاپ ۇسىنىلادى.
2026-جىلعى 28-قاراشا - تىنىشتىق كۇنى.
- داۋىس بەرۋ سايلاۋ كۇنى ساعات 7:00 دەن ساعات 20:00 گە دەيىن وتەدى. اۋماقتىق سايلاۋ كوميسسيالار داۋىس بەرۋدى باستايتىن جانە اياقتايتىن باسقا ۋاقىت بەلگىلەۋگە قۇقىلى. بۇل جاعدايدا داۋىس بەرۋدى 6:00 دەن ەرتە باستاۋعا جانە ساعات 22:00 دەن كەش اياقتاۋعا بولمايدى، - دەپ ءتۇسىندىردى و س ك وكىلى.
ءماسليحاتتار دەپۋتاتتارىنىڭ سايلاۋ قورىتىندىلارى 5 كۇن مەرزىمدە انىقتالادى.
ەسكە سالا كەتسەك، 29-قاراشادا قازاقستاندا كەزەكتەن تىس ءماسليحات سايلاۋى وتەدى.
كەشە مەملەكەت باسشىسى بارلىق دەڭگەيدەگى ءماسليحاتتاردىڭ وكىلەتتىگىن مەرزىمىنەن بۇرىن توقتاتۋ تۋرالى جارلىققا قول قويدى.