عارىشتا قالىپ قويعان استروناۆتارى قاشان ۇيىنە ورالادى

استانا. KAZINFORM - جەر وربيتاسىندا تۇرىپ قالعان امەريكالىق ارداگەر عارىشكەرلەر سۋني ۋيليامس پەن باتچ ۋيلمور كەلەسى جىلى عانا جەرگە ورالادى، دەپ حابارلادى BBC NASA مالىمەتىنە سىلتەمە جاساپ.

وسىلايشا Boeing كومپانياسى شىعارعان Starline كەمەسىنىڭ حالىقارالىق عارىش ستانسياسىنا العاشقى ساپارى ءساتسىز دەپ تانىلدى.

ۋيليامس پەن ۋيلمور ۇيگە جوسپارلانعانداي ءبىر اپتا وتكەندە ەمەس، 8 ايدان سوڭ ورالادى. ولار Starliner- دە ەمەس، Boeing- ءتىڭ باستى باسەكەلەسى - يلون ماسكتىڭ امەريكالىق SpaceX كومپانياسىنىڭ كەمەسىمەن ۇشىپ كەلەدى.

«ولار ح ع س-71 جانە ح ع س-72 ەكسپەديتسيالارىنىڭ ەكيپاجىندا 2025 -جىلدىڭ اقپانىنا دەيىن جۇمىسىن جالعاستىرادى. سودان كەيىن SpaceX جولداعان Сrew-9ميسسياسىنىڭ وزگە ەكى مۇشەسىمەن بىرگە Dragon عارىش كەمەسىنە ءمىنىپ ۇيگە قايتادى»، - دەدى امەريكالىق عارىش اگەنتتىگى.

ال Starliner جەرگە بوس ورالادى.

«تۇيىسكەن كەمەنى عارىش ستانسياسىنان اجىراتۋ قىركۇيەك ايىنىڭ باسىندا جۇزەگە اسادى. Starline قاۋىپسىز، باقىلاناتىن اۆتونومدى اتموسفەرادا كىرىپ قونادى»، - دەپ حابارلادى NASA.

Boeing پەن SpaceX رەسەيلىك «سويۋزدى» الماستىرۋعا ارنالعان عارىش اپپاراتتارىن قۇرۋ قۇقىعى ءۇشىن جارىسىپ جاتىر. ولار سوناۋ 2014 -جىلى NASA- مەن ميللياردتاعان دوللارلىق كەلىسىمشارت جاساعان.

SpaceX حالىقارالىق عارىش ستانساسىنا توعىز ەكسپەديتسيا جىبەرىپ ۇلگەردى، ال Boeing-كە تيەسىلى Starliner ءۇشىن بۇل العاشقى ساپار ەدى.

ميسسيا ءاۋ باستان-اق تەحنيكالىق قيىندىقتارعا تاپ بولدى: جانارماي جۇيەسىنەن بەس مارتە گەلي اقتى، ح ع س- عا قونۋ كەزىندە 28 مانيەۆرلىك قوزعالتقىشتىڭ بەسەۋى ىستەن شىقتى.

ماۋسىم ايىنان باستاپ NASA جانە Boeing ينجەنەرلەرى جينالعان دەرەكتەردى تالداۋعا تىرىستى، ۇشۋ جانە جەر سىناقتارىن وتكىزدى، تاۋەلسىز ساراپتامالارعا تاپسىرىس بەردى. سوندا دا ەكيپاجدىڭ Starliner- مەن قايتىپ كەلۋ قاۋىپسىزدىگىنە كوز جەتكىزۋ مۇمكىن بولمادى.

اۆتور

جانات قاپالبايەۆا