ءمينيستردىڭ ايتۋىنشا، قازىر وتباسىنىڭ تسيفرلىق كارتاسىندا 6,2 ميلليون ءۇي شارۋاشىلىعى تۋرالى مالىمەت بار. جۇيە 30 مەملەكەتتىك اقپاراتتىق جۇيەدەگى دەرەكتەردى پايدالانىپ، ءاربىر وتباسىنىڭ ءال- اۋقات دەڭگەيىن اۆتوماتتى تۇردە انىقتايدى.
بارلىق مالىمەتتەر كۇن سايىن جاڭارتىلىپ وتىرادى. سوعان سايكەس وتباسىلاردى A، B، C، D جانە E ساناتتارىنا ءبولۋ اي سايىن قايتا قارالادى.
ال وتباسىنىڭ تابىسى ازايسا نەمەسە ماتەريالدىق جاعدايى جاقسارسا، جۇيە ونىڭ ساناتىن دا وزگەرتە الادى.
- مىسالى، قازان ايىندا ءۇي شارۋاشىلىعى B ساناتىندا بولسا، ءبىراق بەلگىلى ءبىر الەۋمەتتىك سىن- قاتەرگە بايلانىستى جاعدايى ناشارلاسا، كەلەسى ايدا اۆتوماتتى تۇردە C ساناتىنا اۋىسۋى مۇمكىن. مۇنى ءتۇسىنۋ ماڭىزدى: سانات ءبىرجولاتا بەرىلمەيدى. جۇيە ءاربىر ءۇيدىڭ جاعدايىن اۆتوماتتى تۇردە جاڭارتىپ، وزەكتى مالىمەتتەردى ۇسىنىپ وتىرادى، - دەدى مينيستر.
ايتا كەتەيىك، قازاقستاندىقتار eGov پورتالى مەن eGov Mobile قوسىمشاسى ارقىلى وتباسىنىڭ ءال-اۋقات دەڭگەيىن الدىن الا باعالاپ، قاي ساناتقا جاتۋى مۇمكىن ەكەنىن بىلە الادى.
ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتايەۆ وتباسىنىڭ ءال-اۋقاتىن باعالايتىن ونلاين- كالكۋلياتور ارقىلى ءوز وتباسىن تەكسەرىپ كوردى. ناتيجەسىندە ونىڭ وتباسى B ساناتىنا جاتقىزىلدى.
بالاسى 1,5 جاسقا تولماي جۇمىسقا شىققان انالاردىڭ جاردەماقىسى ساقتالادى.