ەندىگى مەجە - كەڭ بايتاق قازاقتىڭ دالاسىن القاپتى ورمانعا اينالدىرۋ. پرەزيدەنت قويعان مىندەتتى ىسكە اسىرۋ بارىسى بۇگىن قۇرىلتايدىڭ كوميتەت وتىرىسىندا تالقىلاندى. ۇكىمەت پەن جەرگىلىكتى اكىمدىكتەر قولعا العان نەگىزگى جوبا «دالا ورمانى» اياسىندا ءبىر جىلدىڭ ىشىندە 400 گەكتار جەرگە 5 ميلليون تال ەگىلدى. ناتيجەسىندە 3 وبلىستا 4 ءىرى ورمان پيتومنيگى قۇرىلعان. ەندى باستامانىڭ اۋقىمىن ودان ارى كەڭەيتۋ جوسپارلانعان.
ماسەلەن، ءار اۋىلدىڭ ماڭىنان 25 گەكتار، اۋدان ورتالىقتارىنىڭ جانىنان 50 گەكتار، ال ءىرى قالالاردىڭ ماڭىنان 100 گەكتار اۋماقتا كوشەت وسىرەتىن ساياباق اشىلادى.
ەربول نۇرعاليەۆ، قۇرىلتاي دەپۋتاتى:
- بۇگىنگى وتىرىستا وسى ماسەلەنى ىسكە اسىرۋ بارىسىندا مينيسترلىكتىڭ قانداي دايىندىقپەن كەلگەنىن، قانداي پروبلەمالار بار ەكەنىن تالقىلايمىز. مىسالى، ءار اۋدان ورتالىعىنا وتىرعىزىلاتىن كوشەتتەر مەن تۇقىمدار دايىن با، دايىن ەمەس پە، ساپاسى قانداي بولادى؟ سول جەرلەردەگى ماماندارمەن قامتۋ ماسەلەسى دە بار. وسى ماسەلەلەردىڭ بارلىعى بويىنشا مينيسترلىككە ءوز ۇسىنىستارىمىزدى بەرەمىز.