استانا. قازاقپارات - امەريكالىق ءانشى ينگريد ەندرەسس بەيسبولدىڭ باستى ليگاسى اياسىندا وتكەن جۇلدىزدار ويىنى باستالماس الدىن ا ق ش ءانۇرانىن ماس كۇيىندە ايتقانى ءۇشىن كەشىرىم سۇرادى، دەپ حابارلايدى turkystan.kz ر ي ا نوۆوستي سپورتقا سىلتەمە جاساپ.
«گرەممي» سىيلىعىنا ءتورت رەت ۇسىنىلعان 32 جاستاعى ءانشى ءانۇراندى دۇرىس ايتپاعانى ءۇشىن كوپشىلىكتىڭ سىنىنا قالعان ەدى.
كەيىن ول الەۋمەتتىك جەلىدەگى پاراقشاسىندا ىشىمدىكپەن كۇرەسىپ جۇرگەنىن ايتىپ، كوپشىلىكتەن كەشىرىم سۇرادى.
«مەن ول كەشتە ماس كۇيدە بولدىم. قاجەت كومەك الۋ ءۇشىن ارنايى مەكەمەنىڭ كومەگىنە جۇگىنەمىن. بەيسبولدىڭ باستى ليگاسىنان، بارلىق جانكۇيەردەن جانە ءوزىم قاتتى سۇيەتىن وسى ەلدەن سولاي ونەر كورسەتكەنىم ءۇشىن كەشىرىم سۇرايمىن. مەن قايتا قالپىنا كەلۋ پروتسەسى قالاي ءوتىپ جاتقانىن حابارلاپ وتىرامىن. بۇل پروتسەسس وتە كوڭىلدى وتەدى دەپ ەستىدىم»، - دەيدى ءانشى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан