ءانۋار حاتيەۆ ءدىن ىستەرى كوميتەتىنىڭ ءتوراعاسى بولدى
استانا. KAZINFORM - مادەنيەت جانە اقپارات ءمينيسترىنىڭ بۇيرىعىمەن ءانۋار نۇرمان ۇلى حاتيەۆ ۆەدومستۆونىڭ ءدىن ىستەرى كوميتەتىنىڭ ءتوراعاسى قىزمەتىنە تاعايىندالدى. بۇل تۋرالى ۇكىمەتتىڭ باسپا ءسوز قىزمەتى حابارلادى.
1982-جىلى الماتىدا دۇنيەگە كەلگەن. ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىن، د. قونايەۆ اتىنداعى ۋنيۆەرسيتەتتى، ق ر پرەزيدەنتى جانىنداعى مەملەكەتتىك باسقارۋ اكادەمياسىن بىتىرگەن.
ەڭبەك جولىن 2002-جىلى استانا قالاسى بويىنشا جەر رەسۋرستارى جانە جەرگە ورنالاستىرۋ جونىندەگى ەنشىلەس مەملەكەتتىك كاسىپورىنى زاڭ ءبولىمىنىڭ مامانى بولىپ باستاعان.
2005-2007-جىلدارى - تۇزەتۋ مەكەمەلەرىندە زاڭدىلىقتى قاداعالاۋ بويىنشا كوكشەتاۋ قالاسى پروكۋرورىنىڭ كومەكشىسى.
2007-2008-جىلدار ارالىعىندا ق ر يندۋستريا جانە ساۋدا مينيسترلىگى باقىلاۋ جانە رەتتەۋ كوميتەتىنىڭ تالاپ قويۋ ءبولىمىنىڭ قۇرىلىمىندا ءتۇرلى قىزمەت اتقارعان.
2007-2014-جىلدار ارالىعىندا قر باسەكەلەستىكتى قورعاۋ اگەنتتىگىنىڭ قۇرىلىمىندا ءتۇرلى قىزمەتتەردە جۇمىس ىستەگەن.
2015-2016-جىلدارى – ق ر ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتى كولىكتەگى تۇتىنۋشىلاردىڭ قۇقىقتارىن قورعاۋ دەپارتامەنتى باسشىسىنىڭ ورىنباسارى.
2016-2019-جىلدارى – ق ر اقپارات جانە كوممۋنيكاتسيالار مينيسترلىگىندە مەملەكەتتىك كورسەتىلەتىن قىزمەتتەردى دامىتۋ دەپارتامەنتىنىڭ ديرەكتورى، «ەلەكتروندىق ۇكىمەتتى» جانە مەملەكەتتىك كورسەتىلەتىن قىزمەتتەردى دامىتۋ دەپارتامەنتىنىڭ ديرەكتورى.
2019-2023-جىلدارى – ق ر اقپارات جانە قوعامدىق دامۋ مينيسترلىگى ءدىن ىستەرى كوميتەتى ءتوراعاسىنىڭ ورىنباسارى.
2023-جىلدان باستاپ وسى ۋاقىتقا دەيىن ق ر مادەنيەت جانە اقپارات مينيسترلىگى ءدىن ىستەرى كوميتەتى ءتوراعاسىنىڭ ورىنباسارى قىزمەتىن اتقارعان.
بۇعان دەيىن جاندوس شايماردانوۆ ۇلتتىق ەكونوميكا ۆيتسە-ءمينيسترى بولىپ تاعايىندالعانىن جازعان بولاتىنبىز.