ءامىر زاكيروۆتىڭ وليمپياداداعى قارسىلاسى انىقتالدى

پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا برەيكدانسەر ءامىر زاكىروۆتىڭ العاشقى قارسىلاستارى انىقتالدى.

برەيكينگتەن ۇلتتىق قۇراما سپورتشىسى ءامىر زاكيروۆ پاريج وليمپياداسىن D توبىندا باستايدى. وتانداسىمىز ەرتەڭ كەشكە Menno (نيدەرلاند)، Billy (ماروككو) جانە Quake (قىتايدىڭ تايپەيى) لاقاپ اتىمەن بەلگىلى سپورتشىمەن شەبەرلىك بايقاسادى.

ال قازاقستاندىق حالىقارالىق دەڭگەيدە B-boy Amir اتىمەن تانىلعان. برەيك-دانستان ەرلەر سايىسى ەرتەڭ كەشكە باستالىپ، تۇندە اياقتالادى.

ايتا كەتسەك، ءامىر زاكىروۆ شاڭحايدا جانە بۋداپەشتە وتكەن وليمپياداعا ىرىكتەۋ تۋرنيرلەرىنىڭ قورىتىندىسى بويىنشا 71 ۇپاي جيناپ، التىنشى ورىنعا يە بولىپ، وليمپيادا جولداماسىن جەڭىپ العان ەدى.

اۆتور
كۇنسۇلتان وتارباي