ءمينيستردىڭ ايتۋىنشا، پەداگوگتەردىڭ كاسىبي قىزمەتىنە قاتىسى جوق جۇكتەمەنى ازايتۋ جانە ولاردىڭ قوعامداعى مارتەبەسىن نىعايتۋ - وزەكتى ماسەلەلەردىڭ ءبىرى.
2020 -جىلى №130 بۇيرىقپەن ءبىلىم بەرۋ ۇيىمدارىنىڭ پەداگوگتەرى جۇرگىزۋگە مىندەتتى 25 قۇجاتتىڭ ءتىزىمى بەكىتىلگەن. ەندى مەملەكەت باسشىسىنىڭ تاپسىرماسىنا سايكەس، مۇعالىمدەردى ارتىق ەسەپتىلىكتەن ارىلتۋ ماقساتىندا بۇل ءتىزىمدى بەس قۇجاتقا دەيىن قىسقارتۋ جوسپارلانىپ وتىر.
ولار:
1) ساباق جوسپارى؛
2) ۇلگەرىمدى ونلاين جۋرنالدا تولتىرۋ؛
3) قوسىمشا ءبىلىم بەرۋ پەداگوگتەرى ءۇشىن ساباقتان تىس جوسپارىن ەسەپكە الۋ جۋرنالى؛
4) سىنىپ جەتەكشەلەرىنە ارنالعان «ادال ازامات» باعدارلاماسىن ىسكە اسىرۋ جوسپارى؛
5) سۇرانىس بويىنشا وقۋشىلارعا بەرىلەتىن مىنەزدەمە.
ءتيىستى نورماتيۆتىك-قۇقىقتىق اكتىلەرگە وزگەرىستەر ەنگىزىلەتىن بولادى.
كەشە پرەزيدەنت قاسىم-جومارت توقايەۆ ءوز جولداۋىندا ۇستازدىڭ ءبىلىم بەرۋىنە كەدەرگى كەلتىرەتىن باسى ارتىق جۇمىستاردى دوعارۋ كەرەگىن ايتقان ەدى.
قۇرىلتاي دەپۋتاتى اسحات ايماعامبەتوۆ ۇستازداردى قورعاۋ مەن قولداۋ پرەزيدەنتتىڭ ايرىقشا نازارىندا ەكەنىن جەتكىزدى.