ءبىلىم بەرۋ ۇيىمدارى جەرگىلىكتى اتقارۋشى ورگانداردىڭ بيۋجەتى ەسەبىنەن قارجىلاندىرىلادى. وسىعان بايلانىستى سىياقى تولەۋ ماسەلەسى ءتيىستى ءبىلىم بەرۋ ۇيىمىنىڭ قارجىلىق مۇمكىندىگىنە بايلانىستى شەشىلەدى، - دەدى ۆيتسە-مينيستر.
سونىمەن قاتار 1193-قاۋلىعا سايكەس، سىياقى بەرۋ، ماتەريالدىق كومەك كورسەتۋ جانە ۇستەماقىلار بەلگىلەۋ ءتيىستى شىعىس تۇرلەرى بويىنشا ۇنەمدەلگەن قاراجات ەسەبىنەن بەرىلەدى.
سول سەبەپتى بارلىعىندا مىندەتتى تۇردە بىردەي تولەم بولىپ ەسەپتەلمەيدى. بۇل ۇنەمدەلگەن قاراجات جەرگىلىكتى اتقارۋشى ورگانداردا نەمەسە ءبىلىم بەرۋ ۇيىمدارىندا بولعان جاعدايدا تولەيدى، - دەپ ءتۇسىندىردى اقپاروۆا بريفينگتە.
ايتا كەتەيىك، جاڭا وقۋ جىلىندا مۇعالىمدەرگە قولداۋ كورسەتىلەتىنى حابارلاندى. 2026-جىلعى 1-قىركۇيەكتەن باستاپ 2-4-سىنىپ وقۋشىلارىنىڭ ءبىلىمىن باعالاۋعا جاڭا ءتاسىل ەنگىزىلەدى. جۇيەدە فورماتيۆتىك جانە ارالىق باعالاۋ ساقتالادى، ال پەداگوگتەرگە ادىستەمەلىك قولداۋ كورسەتىلىپ، وقۋشىلاردىڭ جەكە ەرەكشەلىكتەرى ەسكەرىلەدى.